生命中不能承受的蠢

在澳洲牛奶公司遇見一個好蠢的女人。那女人坐在我旁邊。澳洲牛奶公司是一間餐牌簡單都不能再簡單的食肆。只得快餐或常餐 （無錯，就好似麥兜的故事！）

快餐 （$26) 有牛油包，煎雙蛋，熱鮮奶。
常餐 ($30) 有牛油包，煎雙蛋火腿，叉燒意粉，咖啡或茶。

唔想叫餐，可以散叫。但如果食三文治叫野飲，一定係叫餐平啲。就係咁簡單。坐在我旁邊的女人，想叫常餐，但係又話食唔晒。個哥哥就叫佢食快餐，跟住佢又話想食三文治，個哥哥已經話個餐可以轉三文治。跟住佢又問散叫腿蛋治同熱鮮奶要幾多錢，哥哥話要$31。佢話：“咁散叫咪仲平？” @@ 我當堂呆咗。心諗：點呀，識唔識計數㗎？

最後，攪完一大輪，佢係叫咗腿蛋治同熱鮮奶。盛惠$31元整。

唉！！！點解會有啲咁嘅人架！！！ 我一路食，一路好想問佢：你識唔識計數架！？？

日常怪事

乘巴士回家時，我對面坐著一名男仕。他的外型如下：

＠ 貌似裝修佬
＠ 著住殘舊的polo tee shirt在內，外面著住殘舊的風褸
＠ 腰間有一個殘舊腰包
＠ 手拿著飯盒同拖住一個喼

在途中，他突然從他的腰包內拿出一支 nivea 潤唇膏（識嘢喎！）來搽嘴。（仲要搽得好姿整 @@）我當時應該O咗嘴 :O，因為我認識的男性朋友們打死都唔搽潤唇膏，好像搽潤唇膏係一啲超唔型或有損型像嘅行為，寧原嘴唇爆晒爛晒標晒血先安樂。所以，一個貌似裝修佬嘅男人會做呢個動作，對於我，簡直係世界奇聞！

失覺晒！！！

牛一

過了忙碌的一星期，但要做的始終都不會有完結的一天，所以都係算吧！

今天過了開心的一天....

＠ 朝早去上班，做了一整朝早的bumblebee。

@ 下午約了朋友仔們吃飯，又是充滿我至愛的無聊時刻。

@ 午飯後，過著闊太般的生活 ：去發型屋剪及電發。@@" 之前的我勢神劈願話唔再電發，今朝只是盤算著修剪少許，頂多剪少少留海就算。點知入到去就一發不可收拾!!! =.= 又再次攪足四個鐘！走時，我感覺我pat pat已經由3D變成2D。

@ 之後，飛趕去與貓男友及他好友kp和女友吃晚飯。皆因他們生日都在十二月，我之前係 sherrybelly 店鋪 order 咗生日杯蛋糕。杯蛋糕上寫了貓男友及kp的initials。超級可愛耶！ （味道仲好好喎！好真材實料，皆因食完後飽到上心口。）

 ＠ 除了杯蛋糕，在 sherrybelly 處還 order 了好應節的聖誕節曲奇。要了雲呢嗱和 earl grey味。無錯，係影唔到啲曲奇嘅！（至於好唔好味，就要聽日問吓壽星仔先知嘞！）

 ＠  希望大家有一個快樂的聖誕~~

無常....平安....

近來工作實在太忙，每天回家眼睛累到不想再望任何嘢。仲使我有千千萬萬嘅事情想打，但已經唔記得晒。orz

***********

人生無常，好像明白但其實一丁兒都不能面對。人有生老病死，亦好像明白但要面對時是多麼的艱難。幾個月前，知道朋友的媽媽患了癌症，內心替她難過。進行了治療，但完全無效。就是這樣，人生被眶了一個時限。一個任何人都會覺得太短的時限。這幾個月她家人去了幾次的旅行，我想為的是去做一些以前想做但未做的，或是在這時限裡一家人去共度快樂的時光。

每次與這朋友見面，我都不禁去問侯伯母的近況。但又不想問得太多，免得她太傷心。我實在無法去理解她心內每天所承受的痛苦或傷感。是否每天都像在倒數中度過？她說每天都在回家前哭一場，回家後只可掛上笑面，為的是避免她媽媽擔心及影響病情。我想：多難過的日子。

我可以做的，就只有默默的為她一家禱告，及嘗試找機會向她們傳福音。我一直求神在這短暫的時間裡面給我一個機會....在患難裡，有誰不想有平安？

四川辣辣辣....

近期, 心思思想再次吃辣. 便到家附近出名四川店買外賣. 第一次只買了口水雞酸辣粉.

好喜歡它的麻辣味道. 用了好香的香料. 吃得出放了好多花椒. 但口水雞反而無咩特別. 就像普通白切雞. 不過整體味道都算一流!! 第一次買所以只叫了小辣但已經覺得頗辣. 吃完後, 好想下次試中辣.

時隔幾個星期後, 再去幫襯. 買了酸豆肉碎酸辣粉同麻辣青瓜. 回家時, 一開個外賣盒....點解青瓜係白色同埋有腳趾嘅? (老眼分花??) 原來俾錯咗雞腳我.... v_____v 不過算數, 照食!!!

今次依然叫了小辣. 酸豆肉碎幾好味. 但因為吸了辣油, 所以愈食愈辣! 好刺激!!! 麻辣雞腳本身望落去好似一啲都唔辣. 但當我KO整盒時, 係辣到出唔到聲 >< 一個人食一盒實在太多啦!!!

結果今朝肚痛到爆炸!!!! 下次會挑戰涼麵同其他小食.

p.s. 這間四川小店, 原來每個月好似 21 至 27日都唔開門, 聽講老闆每月都親自去四川買食材回來. 好認真呀!!!! 我會多多幫襯~

便利店的親切感

原來, 當你步入一間ok便利店時, 未開口個亞姐已經懂得問 : "飲咩呀今日? 熱檸水呀?". 嗰一刻真係覺得好親切. 亞姐竟然記得我飲開啲咩!! 令我想呢一世都幫襯呢一間ok便利店!!!

但係我好善變囉. 我今日唔係飲熱檸水呀. 飲咗熱horlick呀!

唔好意思亞姐!!!

靈異事件

有時我會覺得發生在自己身上的事情好騎呢.....

經常發現自己的頭髮會自己打結!!!! @@ 唔係一次, 係多次!!!! 凝住屋企有鬼親我訓覺時同我啲頭髮打結. 每次逼不得已都要將打咗結嘅頭髮剪咗去, 因為解唔番.....T____T

其實無咩理由會自己打結喎!!!!

一個字 : 驚!!!!!

高茶

過去的星期日, 與朋友仔們去了ifc內的agnes b吃high tea. 這是我頭一次去agnes b的餐廳. 好高級嘢.....

三個人叫了貴的 tea set ($318). 比起 $288 tea set 多了兩杯 oyster shot 同兩個 lobster with caviar. 吃完了整個 tea set, 最好吃的是 oyster shot. 用上了 rum, 加了點 lemon juice 和 green apple dice. oyster 應該係 kumamoto. 但其實 oyster shot 一點製作難度都沒有, 只要有新鮮的貨源.

其餘的都實在太普通. 一點特別都沒有. 有點兒失望. 但要讚的是他們的室內環境, 有著令人很舒適的感覺. 三小時的下午茶在毫無先兆下就過了. 快得令人詫異!!

為了延續我們的食食達人傳統, 今個星期日會再次在家煮飯仔. 好, 研究食譜去!!!

食物的奧秘

最近在想, "呀....中國人真的很愛吃." 吃重要到, 無論什麼環境, 食物都會是其中一個要討論或預備的環節.

> 朋友相聚見面, 要討論去邊到食飯
> 同親戚見面, 總是食飯
> 拍拖, 會問 : "去邊到食飯好?"
> 結婚, 親戚朋友第一時間係問你係邊到擺酒
> 白事, 亦係要話俾人知你係邊到擺解穢酒
> 丈夫回家會問太太 : "今晚有咩餸?"
> 媽媽會問仔女 : "今晚番唔番嚟食飯?"

食物就好像人與人之間無形的連繫. 每天, 默默地維繫著不同的關係.

我在想, 如果我不再需要做食食達人, 我究竟有啲咩生存意義???????

我好想去．．．/ 謎

＞狂食生蠔
＞打邊鑪
＞happy hour 狂飲

幾時先有時間做呢？？？ 真係搵食艱難。

***********

看了王迪詩的blog一段時間，有啲文章實在覺得非常到point！今次 My Real Boss 真係好有共鳴。（kerokerokerokerokero！！！） 我想話，呢個世界，admin / 秘書真係大曬㗎囉！點解公司成日都只包庇啲低效率無建設嘅同事？點解？？呢個係一個謎。不過，原來全世界嘅公司到係一樣，這是我唯一的安慰，我唔係獨自自怨自艾。善哉善哉。

一周回顧

＞星期日同朋友仔睇Grease，好睇到無嘢好講。故事好簡單兼老套，但成套musical嘅精髓係佢啲歌同舞。簡直會令人熱血沸騰，令人好有衝動由座位彈起一齊載歌載舞。去到尾聲，全場high爆，一齊起身又叫又跳，同睇演唱會無咩分別。滿足至極。令整件事嘅滿足程度推到頂點嘅係：張飛半價囉！！！

＞有天心血來潮，想感受一下冬天嘅氣氛，所以去星巴克買咗冬天先有嘅gingerbread latte同新出嘅caramel cheesecake。整晚什麼都沒有吃，在家歎latte同cheesecake。感覺時間好像為我停頓了。

＞係屋企執拾時，發現了好友前一陣子送我的小禮物。係一個好cute嘅grand piano nano block。好好好喜歡！個包裝好靚所以一路都唔捨得拆。但唔拆又無得玩。我諗都係時侯開封㗎啦！唔捨得呀！！！><

＞最後送上近期肥貓艷照一幅。希望大家努力。周日就快到㗎啦！！！！ROAR！！！

家中的飲料

 我家中雪櫃可以長年累月甚麼都無，皆因我甚少煮食，連水都唔飲多啖。但我靚媽係都好鍾意起勢咁俾嘢我。

玫瑰花茶：呢隻牌子好似好鬼貴 @@ 靚媽好dum本

有機茶包：係英國買。高檔野喎！裡面有八十個茶包囉痴線！

杭州嘅雨前龍井 ：呢罌嘢應該飲十年都飲唔晒 ><

杭州嘅菊花。配雨前龍井幾好飲㗎。

因為呢排經常貧血，所以靚媽又俾紅棗，杞子同龍眼肉我煲水飲。

靚媽又話得閒要煲下花旗心水飲喎。

自家製嘅咸金桔。好味道。

唔幾得邊年christmas交換禮物抽到嘅blueberry bliss tea。

日日都要不停係咁飲先可以飲晒佢地囉！點攪呀？？？

life is....

工作總會有一個 cycle. 就係每隔一段時間, 都會十萬個燥底. 為咗要撲滅我嘅燥火, 過去的一星期都要不停看電視. 我終於交回我的電視債. yeh! 電視係多麼的重要呀!!!

除了看電視, 訓覺係另一個撲滅燥火嘅好方法. 星期六日不停咁訓. 完全可以突顯我是豬的性格.

一點起身 -> 落街食午飯 -> 番屋企 -> 再訓 -> 六點起身 -> 出街食晚飯 -> 上網睇電視 -> 訓覺

咁樣嘅schedule, 唔知會唔會俾人打 ?

係時候出動啦!

咩話?

今日睇義海豪情，學咗新嘢!!

“你咪當我膝頭哥未食過辣椒醬.”

大概嘅意思應該係 “你唔好當我係傻” 咁解. 有無人知點解? 膝頭哥同辣椒醬究竟有咩關係呢?

廣東話真係無得頂! 真係學一世都學唔晒!

電視迷

最近, 決定重拾我電視迷的名堂, 係hulu不停看電視節目. 我最愛看的有:


@ grey's anatomy
@ bones
@ chuck
@ castle
@ glee
@ the event

為咗要追上進度, 依家放工後好唔得閒!!! 晚晚都要係咁追追追. >< 但我仲想睇埋日劇呀!!~~~

兩極化

我是極端份子!!!

@ 我可以一日都唔飲水. 但當我有心機飲水時, 我會飲啲好高尚嘅飲品. 例如會沖花茶 (玫瑰花茶喎!), 花旗參茶, 雨前龍井!! 當全日都要衝鋒陷陣時, 突然間, 係drawer攞盒雨前龍井出嚟, 真係當堂高級咗. 我有諗過攞我屋企嘅紫砂茶壺番公司沖茶 (開番堂茶道, 無得頂!!) 不過唔想俾我老闆怒睥, 所以打消念頭.

@ 我可以一日唔食嘢, 或者一連好多日食啲唔正常嘅食物 e.g. 一日不停食 cereal, 一日不停食 kimchee, 一日不停食 biscuit. 但當我食食達人上身時, 我會去最好的地方吃美味的食物. 好高要求的. (真係頂自己唔順)

@ 我可以什麼都不愛, 但當我選擇去愛時, 我會全心全意. 以前的我, 非常硬頸, 現在的我, 什麼都沒意見. 都唔知係好定壞. @@

要學習中庸之道去平衡自己的超級兩極化. 努力!!

小宇宙的爆發

人生總會遇上一些莫名其妙的人. 而這些莫名其妙的人, 都有著令我爆血管的能力. 

我的耐性是何其的低. 今日發咗兩次脾氣. 係好大嘅脾氣. 有想打爛電話嘅衝動. 但礙於我老闆坐係我隔離, 我只好用我畢生嘅小宇宙去壓制自己. 真係無敵超級辛苦!!!!! 我老闆完全聽到哂我爆炸電話內容, 佢好輕描淡寫咁講咗一句:

"搵佢老闆啦."

唉. 我心諗, 你就話可以搵佢老闆. 我點搵佢老闆呀. =.= 唉. 都唔知我挨生挨死都係唔想煩到佢. 真係有苦自己知. 不過, 佢開到聲, 我當然係好順手咁拋個波俾佢. yeh!

今日又唔知死咗幾多腦細胞. v_____v

obsession

唔知點解, 每逢到秋天, 就會特別想念美國. 滿腦子都係:

美國美國美國美國美國美國.......美國

就黎人都癲 >< 


roooaaarrrr!

soul-less

病到無咗靈魂.....

邊爐王

我打邊爐system正式啟動!!!

我要打邊爐呀!

天敵

我每天早上的 routine:

step 1: 喪屍般由睡床行去廁所沖涼
step 2: 喪屍般地刷牙, 換衫
step 3: 不願意地清理肥貓嘅沙盆同餵佢食嘢
step 4: 吹頭
step 5: 出門口走人

日復日, 天天如是. 本來相安無事. 但今日, 就係 step 3 嘅時候出事!!!!

當我係廚房幫肥貓倒水時, 我天敵小強突然出現係 counter top 上!!!! 我本能地尖叫. 根住"啤"住佢一分鐘. 最後我諗 : "都係餵咗肥貓先". 餵完佢後, 再同自己講: "吹咗頭先." 到吹完頭, 我好不願意地去廚房同佢對質. 我又拍又打counter top, 佢死都唔出現, 係都係我眾多碗碗碟碟中潛水. 我唔敢攞啲碗碟, 因為我覺得佢會爬落我隻手到. (未見過走得咁快嘅小強!!!!) 擾攘咗十幾分鐘, 我最後決定:

眼不見為乾淨, close the door please.

今晚番去點算????

騰騰震

這世界真係無奇不有. 有時仲會嚇到我魂飛魄散. 命都短幾年. :S

> 有一晚貓男友車我回家. 當車將要去到我家大門時, 我看見一個疑似飲醉的人在我將要下車的路邊徘徊. 我第一時間叫貓男友鎖上車門. 佢本來唔知我做咩叫佢鎖車門. 但當車停低時, 那"疑似飲醉的人"一個箭步行前係咁嘗試開我哋車門 !!!!!! 當時的我, 好驚個車鎖會突然唔work或佢會搵嘢打爆車嘅玻璃, 所以我好緊張地大叫 "開車開車". 司機當時係完全無咩反應, 因為佢呆咗. @@ 後來先知驚!!! 當我哋兜圈時, 在途中睇到那"疑似飲醉的人", 不停地嘗試開泊在街邊的每一架車的車門 (!!!!) 痴線架 >< 最後仲要上咗其中一架車嘅後座. oh my god!

> 係公司附近買雞蛋仔食, 當我正行番公司時, 係街上突然有一個人從我後面 "鼠" 到我身邊, (手臂貼住我手臂喎!!!!!) 我當時好似食咗瞢仔藥咁, 仲未黎得切反應, 然後, "陌生人" 用超級鬼秘嘅聲音講咗三個字: "雞蛋仔" 講完後便急步走咗. 佢走後三秒我先有反應. 好慢呀!!!! 激死我!!!

咁嚇法, 都唔知有無六十歲命. *ROAR*

十年前後

今日看新聞, 見到一個與朋友同名同姓的人 (qxxxxx wxxx). 是某某集團的主席. 然後在google裏搜尋這人的照片. 好嚇人地見到我朋友的陳年舊相. 差不多十年前.

好. 嚇. 人.

十年前的他, 瘦骨精一名. 樣貌天真無邪 (!!!!!), 好像有天大的理想要實現. 今日的他, 肥仔一名, 樣貌窮兇極惡, 現在他的理想是如何在大婚日之前減肥 (!!!) 是一隻待娶小羔羊 XD

相距十年, 有著天淵之別. 沒有好與不好, 只有無限回憶, 及那種 "見一鑊, 打一鑊" 的衝動. 哈哈哈~

ps 有興趣者, 請電郵我, 我會send那張世紀照片給你.

師奶

發覺自己真係變成一個師奶．何解大好星期五放假會係屋企做家務呢？究竟我係咪sort咗？好想去街，但係無地方去喎。點算？

＊篤手指中＊

跳躍大搜查線3

上星期看了這套電影. 帶來無限回憶. 大學時, 經常煲這套電視劇. 好笑到爆炸. 當知道有電影,即時去買票 .織田裕二依然係型到震. 電影整體都算幾好. 一貫電視劇作風, 好笑得黎會有發人心省的地方. 究竟日本人食咩可以食到人人個樣都無變過?? 十幾年啦喎!! 内田有紀雖然係配角, 但係佢實在太有型同靚啦!!! 反而覺得深津絵里做得唔係咁好. 但都係值得一看的電影. 但只有elements戲院先有.

突然好想煲庶務二課!!!!

假日食食食

中秋晚上回家做節. 去cwb搭小巴, 嘩, 不得了. 多人到完全迫爆條路. 平日唔使等就可以上車, 結果個日等咗三十分鐘先上到車. 仲要落緊雨, 係咁俾人用雨傘左tuk右tuk. 差啲盲咗. 回到家後, 累到即刻要訓覺, 訓咗一個鐘, 然後起身食飯. 依家我brother變了我家的御用廚師! 每次都係佢煮飯! 好勁! 食完飯後, 即時攤屍係沙發睇電視. 一口氣睇哂天天天晴, 公主嫁到, 同埋翻叮一族. 好耐未一次過睇咁多電視啦! (隻眼受到嚴重威脅 @@)

星期四相約余生余太食午飯. 好興奮!!!! 去伊呂波食燒肉. 好味道!!! 跟住去了the one商場, 吃了tuttimelon的 frozen yogurt. 第n次去 tuttimelon, 好喜歡 tuttimelon, 不單是因為他們的 frozen yogurt 美味同埋可以自己任整 froyo任落 toppings, 還有的是他們在商場內有一個室外露天地方俾顧客慢慢吃 frozen yogurt. 覺得自己好似身處係香港以外的地方. 同場仲有華仔呀!! o係到宣傳他的新戲. 好多fans囉! (aka 超嘈!)

去到晚上, 我將自己的第一次俾咗吉野家. 當我話俾 mau mau 聽我從未食過吉野家, 佢好似見鬼咁 "你未食過吉野家 ???" (拉長三秒) 係. 無錯. 我從未食過吉野家!!!! 不過, 現在的我已經食過吉野家啦. 以他們的價錢, 我覺得係抵食嘅. 火鍋唔錯. 最好食係個烏冬. 讚歧烏冬, 超彈牙! 他們的招牌牛肉飯, 飯係用珍珠米, 同埋有好多牛肉. 都唔錯.

全日就係不停地食食食. 係時候要節食!!!! ROAR!!!

中秋前夕

放假前夕, 心情都會特別靚. 就算有天大的事情, 都好似唔需要今日去解決 (究竟呢種係咩心態?) 今天, 我比平日早起, 比平日早回到公司 (呢個簡直係神蹟!! 45分鐘喎!) 解決了好多公事. 整個人感覺好似已經做完今日要做嘅事. (但只不過12點咋喎!) 接下來的4小時, 有1.5小時係午飯時間, 只餘下2.5小時係要工作. 開心到想爆炸!!!!

上吓網都用咗兩個鐘啦! (我應該攞最佳員工! 多謝!多謝哂!)

神級鐘點. 白鴿人類

連續幾個星期六日, 都係係屋企訓到黃朝百晏. (連續喎! 好過份) 訓到兩三點起身, 完全無心情做任何事. 因為梳洗完已經差不多日落西山, 仲邊到有地方好去. @___@" 不過, 因為太遲同太懶的原故, 唔願出街, 多咗係屋企煮飯食. 變相健康咗!!! 我係健康大使!

但係我決定假日要早起身 (心中有團火). 皆因屋企其實有十萬樣家務要做. 只有假日先有時間做. 我家係貌似好乾淨整齊, 但其實暗藏千千萬萬嘅塵同塵同塵同貓毛. 只要一兩日唔掃, 災情就會好嚴重. 而我家經常都處於水深火熱之中. 每兩星期, 我都會超期待鐘點娟姐嘅出現. 佢簡直榮升做咗神級鐘點黎打救我!

>>>>>>>>>

最近在想, 究竟應該怎樣去prioritize自己的生活. 家庭, 朋友, 私事....過往, 如果已安排時間做某些事情或見某些人, 都會去守約. 就算別人唔得閒, 最多再約過. 無咩所謂. 但最近覺得不同人有著不同理由經常唔show up. 當然明白嘅, 有其他更重要事情呀嗎. 但令我諗, 究竟約會係其他人眼中有幾重要呢? 做朋友呢家嘢, 係雙向嘅. 而且當平日已經無咩接觸, 連幾月一次千辛萬苦嘅約會都經常放白鴿, 會令我明白好多事情!!

但有時令我最費解嘅係這類朋友, 經過咁多次放人白鴿後, 原來仲會問點解其他人見面/食飯/玩唔叫埋佢. hm....我諗可能佢地要經歷一下俾人放五六七八次白鴿, 先至會明白點解囉.

不過, 最緊要係, 千祈唔好動氣 (roar!), 因為對於一啲無得改變嘅人或事去動氣, 係好無聊的. 雖然唔動氣, 但係我會記住你囉!!!! (人大咗, 果然係記仇啲!!!)

雜念

> 我係啲周身賤格嘅人, 好鍾意將一啲明明好番嘅傷口去 "mit" 損佢. 所以我有好多永遠好唔到嘅傷口. 真係名副其實損手爛腳. 點樣先可以唔咁多手呢?

> 我魯莽的性格, 經常都唔諗就去做. 結果經常敗北. 多年來, 無數嘅失敗令我無晒心機去努力做任何事. 所以做成今日我呢條大懶蛇 (唔肥嘅蛇!!). 諗諗吓, 覺得自己好應該有一番作為 (好架勢呀!!!), 所以係個幾月前, 做咗一個決定. 真係下半世食粥食飯都睇呢鋪. :S

> 我對自己既領域有高度既保護性. 當我發現係不知道既情況下有人入過我屋企, 我會非常憤惱 (係超級憤惱!!!) 唔係唔俾, 但係一定要通知我. 我覺得"通知"呢個動作係common sense到唔洗講都知要咁做. 不過, 憤惱可以點呀? 經常勸自己唔好咁上心. 事事都應該忘記, 由其是憤惱都無補於事. 但做人是應該有原則囉. 講完.

> 再一次證明, 看了一啲唔應該看嘅嘢係要自己承受惡果. 點解要咁八呢....真係無鬼聊....

每日之爛gag

今日同我愛人行街街時, 係賣小食既店停下望望佢地有咩甜筒雪糕. 店鋪姐姐即時行埋嚟問 "要啲咩?" 我深信我愛人係想講 "睇吓先" 或 "諗吓先". 但係佢個口不受控制咁講咗:

"聞吓先" (!!!!!! 原來買甜筒雪糕前要聞??? 可以點聞法? 聞吓夠唔夠凍?)

係佢講咗出口嗰一刻, 我係即刻爆笑, 而佢亦係咁笑. 嚴肅店鋪姐姐好想忍笑, 但係失敗咗.

已經即時澄清唔係玩嘢. 因為我地都係怕死之人, 唔想橫屍街頭.

if i can dream....

最近完全沒有頭緒可以寫咩. 腦袋完全空白. 嚴重到覺得自己番完工後, 個腦好似無開過機咁! 咁其實我有無用過個腦呢? @@"

>>>>>>>>>>>

呢排在看hulu.com嘅reality show, 叫 if i can dream. 講五個被選出來嘅普通人, 都想入娛樂圈大紅大紫 (唱作歌手, model, 演員). 製作公司把他們安排一齊住, 安排機會俾佢地接觸娛樂圈嘅人, 安排導師俾佢地有少少training, 安排佢地有audition機會. 但得唔得就要靠自己. 最特別係佢地住嘅屋有無限咁多個live cam, 24/7 都影住全屋嘅情況 (洗手間, 睡房都有!! 完全無私隱!!!!). 可以上 www.ificandream.com 睇 live stream, 可以同佢地對話 (勁呀!!!) 可以睇佢地明星夢最新嘅發展. 每星期hulu都會有一集25-30分鐘節目recap過去一星期所發生嘅事. 因為他們各有各自己嘅機會, 所以不同一般reality show咁, 唔會有bitchy場面, 反而, 他們是好好朋友, 互相support. 仲可能會變成情侶喎!!!! 呢個reality show嘅concept好新穎, 因為我實在覺得其他啲互鬧嘅reality show好煩. 呢個show睇完個人會平靜啲 (有關係嗎?)

佢地個website真係好堅!!! 大家得閒去睇下啦!!!!

post birfuday 篇

最近, 好似好忙, 但其實好似無點做過嘢. @@ 時間消逝, 原來係真的!!!

> 這兩星期都不停去吃宵夜, 離200磅距離應該不遠. 好近呀~~~~~~

> 迷上了維他青檸檸檬茶, 俗稱肥仔水. 皆因檸檬茶比可樂仲肥 >< 撞鬼!!!! 五日內飲咗三枝

> 上星期生日當日心情灰過石灰, 但係最美好嘅事情就係可以係生日出iphone!!! 自己送俾自己的禮物!!! yeh!

> 出咗iphone後, 完全沈迷玩coin dozer這個app. 簡直係不能自拔!!! 每日iphone未番到屋企已無哂電. v____v 如果我電話唔通, 應該都係呢個原因. 我要停止!!!

> 現在的我, 變了一個心歸家庭主婦. 每日都要番屋企做家務. @@

要祝自己愈來愈靚!!!! XD

生日之火篇

人大了, 本來脾氣是好了. 因實在沒什麼值得動氣.

差不多一個世紀無發既脾氣, 今日在兩秒內爆發. 我諗我從來無試過對住一個我唔多熟既人發咁大脾氣跟住cut線掟電話. 掟完電話之後, 即時去沖涼降溫. 然後想起一大堆我唔想解決既問題. 心情進一步跌入谷底. 點解啲煩野咁鍾意一湧而上既哩? 我唔明點解每年我生日既日子都會有一大堆我唔鍾意既事在我面前熠熠坱坱. 其餘364日又唔見佢地係到熠熠坱坱. 一諗到呢個事實真係火都黎. 在心情touchdown之際, 朋友相約去食晚飯, 飯後心情回復到正常水平. 我想, 心情唔好, 真的應該多出街.

太多事情要處理, 太多問題要諗下一步應該點做. 生活得太累. 我只想要平淡的生日. 我可唔可以自閉係屋企?

多謝你的宵夜同mentos. 是彩虹的mentos.

無厘頭篇

最近經常心神晃忽. 一啲好無厘頭既野都會做得出.

1. 有一晚, 唔小心卒咗一隻contact lens跌咗落地下. [呢啲事經常發生係我身上!!!] 我將隻好污糟既con放落個case到, 諗住洗乾凈佢. 但係我好白痴咁開咗水喉 [仲要好大水!!!] 去沖隻con. @@ 好明顯, 隻con係沖咗去大海. -_______-

2. 係公司, 通常去斟水時會順便去洗手間. 咁去pantry斟完水時就會放低隻杯先去洗手間. 但我試過好多次囉賣隻有水既杯入洗手間. 攪到我要去pantry再洗過隻杯再斟水. [洗手間好污糟架!!!]

3. 食飯盒時, 試過好多次掉咗筷子但係攞住筷子個膠袋. =.=

4. 起身時, 經常做一啲令人噴飯嘅事. e.g. 隻腳未落地, 個人已經碌咗落地. 個人明明想去沖涼, 但唔知點解會去坐咗係廁所.

呢啲無厘頭嘅嘢可唔可以減少啲呢? 我本來係一個好醒目嘅人黎ga!!!!

想法

> 我想, 今天人人都心情沈重. 回到公司後, 完全無心機做任何事. 再次看慘劇的新聞, appledaily, mingpao, cnn. 愈看愈心傷. 重複看昨日的 live broadcast, 見到亂槍掃射, 整個過程, 實在令人心驚膽跳. 這是黑暗的世代.

> 生命真係無常. 看著日子一天天的過去, 未做未講的實在太多. 要把握時間, 珍惜身邊所有的.

> 每日貓一貓, 心情都靚啲.

> God bless.

無聊篇

> 曾幾何時, 我個胃係無敵嘅. 食任何食物都無問題. 油膩煎炸曾經係我的至愛. 但自從幾年前食錯嘢後, 個胃就彷彿死了一樣. 不能再食過多嘅油膩煎炸食物. 好好好傷心. 前日, 我完全唔記得呢個傷心嘅事實, 下午發咗癲去買 (1) 4件煎釀三寶 (2) 一串魚蛋 (六粒) (3) 一串燒賣 (六粒) (4) 一條司華力腸 (!!!!!!) 唔使問當然係食唔哂 =.= 食咗三分一已經飽到傻咗, 跟住仲要開始胃唔舒服.真係攞苦嚟辛.

> 好想去旅行好想去旅行好想去旅行好想去旅行好想去旅行. 想到一個地步雖然係唔會去, 但係買哂啲旅遊雜誌番嚟係咁睇. 仲上網睇哂自遊行價錢. 愈睇愈想去!!!! ><

> 頭先去茶餐廳食下午茶, 坐係我後面嘅兩位人兄, 由我坐低到開始食到食完, 佢地嘅談話內容不下幾百個粗口. 一路聽住粗口原來好難食得落. @@ 咩事幹可以講咁多粗口呢?

> 好想大哎一聲 : 使唔使咁悶呀??????

cycle

-> 昨天下午食咗炸雞翼薯條做下午茶

-> 之後飽到食唔落晚飯

-> 攪到今朝起身好肚餓

-> 平時唔食早餐嘅我因為好肚餓所以要食早餐

-> 但係食咗早餐食唔落午餐

-> 究竟呢個cycle幾時先會完?

咁落去, 我跟住會去食下午茶, 跟住個cycle會再次重複.

@@

破財

一百零五元的sms收費!!!!

唉....都係死咗佢算吧啦....

唔該傳smartone啦!!!!

無聊篇

近排實在好得閒, 得閒到無咩事發生, 所以無野好寫.

> 有時係公司得閒到一坐低就訓著 [如果我老闆睇呢個blog就大鑊!]

> 咁得閒時, 理應有電話會好醒神. 但勁賤的我是不能訓覺時俾人嘈醒, 如果唔係會即時有燥狂症. 所以呢排接電話既語氣衰到無人有. 大家都明啦!

> 好想去旅行, 好想離開這環境. 幾日. 凈係幾日就可以.

> 有時會想點解自己會集所有最衰既性格於一身? 我唔窒得唔話得唔串得唔鬧得, 但係又好鍾意窒人話人串人鬧人. 已經好努力好克制, 所以, 如果我唔出聲, 係因為我好努力咁唔窒唔話唔串唔鬧你. 請見諒!!

> 我發現原來我對一個人既容忍每日既quota可能得兩三個. 即是話, 如果做/表現超過兩或三樣我覺得超唔點既野, 我會即時啟動我既爆炸裝置. UN AH! 同埋黑面裝置.

> 再一次宣告......我個人真係超犯賤囉!!!!!!!!!!!!!!!!! 可唔可以俾我死咗去算吧啦!!!!!!!

私隱?!

近期最hit嘅題目係八達通賣客戶資料俾第三者從而得到利益. 公眾回響超大. 各界都出來指責. 好似喊打喊殺咁. CEO要辭職, 公司要道歉, 得到嘅利益要捐去charity [點解唔俾番啲受害者呢?], 政府要調查要報告要交代. 因一個行為, 要付上一串後果.

令我在想, 咁啲人經常無得到我嘅同意, 把我嘅資料 (aka 私隱) 講俾不同人知而滿足自己 [例如覺得自己咁樣好caring, or 覺得自己咁做無問題 etc]. 根住仲要人傳人 [唔係病毒呀!], 變成愈來愈多人知道我嘅私隱. 咁我可唔可以要求道歉調查報告交代呢? [最好辭埋職!!!]

有人會覺得咁樣係不近人情, 但我覺得理念係一樣. 什麼是私隱? 如果你個名同電話係私隱, 咁我嘅家事, 教會事, 感情事仲唔係世紀超級大秘密?

當你會去指摘八達通時, 請你都一齊去停一停, 諗一諗.

等.等.等.

人生真係無時無刻都o係到等.

坐車要等, 食飯要等

出街要等人, 去飲要等開席

食完飯去厠所要等, 去超市買嘢俾錢要等

打電話去查詢要等, 過馬路要等

剪頭髮要等, 提款要等

咩都要等....

所以, 唔差在等埋 iPhone 4 啦.

夢

尋晚發了一個奇異的夢 :

我和兩個朋友在一間寄宿學校住. 每晚都要十點半前番到宿舍. [但唔知道番唔到有咩後果....可能會死?] 雖然係咁, 但晚晚依然都要出街!!! 夢境嘅城市好奇怪, 所有大廈都會郁!!!! 即係每晚番宿舍嘅方法同路線都唔同. *____* 完全累到想死同埋好大壓力. 係夢內, 每晚都要諗搭咩車, 要搭幾耐.....結果係晚晚都趕頭趕命, 最慘係每晚當我跑緊嘅時候, 都會pk!!!! 完全想打人. >< 間宿舍好似 harry potter 電影咁, 好多層, 好多樓梯, 好古老.

發完個夢後起身, 個人十萬個累. 好似無訓過一樣. 可唔可以發啲游閒啲嘅夢呢?

理知.不理知

人有時看似好理知, 但感覺上理知與不理知好像根本任我們講.

喜歡一個人的理由, 與不喜歡一個人的理由, 可能是同一個理由.....

今天他的體貼. 明天可能變成婆媽.

今天他的風趣幽默. 明天可能變成吊兒郎當.

今天他的不羈. 明天可能變成不負責任.

今天他對你所做的一切, 你會甜到入心. 明天他對你所做的一切, 你會覺得天地不容.

今天他的打扮, 你會覺得係世紀型男. 明天他的打扮, 你會覺得篤口篤鼻.

今天他所說的每一句話, 你都會覺得係甜言蜜語, 仲使他說的只是 : "去搭車啦". 明天他所說的每一句話, 你都會覺得係腰心腰肺, 仲使他說的是諸般的問候說話.

好像沒有理知與不理知.

好像只有觀點與角度.

變的只是我們的觀點.

靚毛. Find.The.Way.

我最鍾意逼人地讚我. 嘩哈哈哈!!! 我最近期既傑作:

我 : 你叫我做靚 o靚模呀!!
朋 : [完全想死既表情] 你...係...靚...毛...
我 : 咩話????
朋 : 你係....靚靚毛.....

竟然係唔屈服係我既淫威之下!!!! 有吉士呀吓!!!!

**********

放工時在巴士上聽了好耐無聽過既jap pop. 有我以前好喜歡的一首歌...中島美嘉的 Find the Way.....



do u shi te ki mi wa　chi i sa na te de
你為何　用小小的手心
ki zu wo se i o u to su ru no da ro u
背負傷痕是為了什麼？
da re ka no ta me da ke ja na i
不是為了誰　
mi u shi na wa na i de
不要迷失自己
do u shi te bo ku wa　ma yo i na ga ra
為什麼我　一邊迷惘著
ni ge da su ko to de ki na i no da ro u
卻無法逃脫呢？
no zo mu no wa hi ka ri sa su hi wo　hi wo
心願只是　陽光普照的日子 的日子

*FIND THE WAY
ka ga ya ku so ra ni　
在光輝的宇宙　
te wa to do ka na ku te mo
即使手無法觸及
hi bi ku a i da ke ta yo ri ni
只要寄託迴響著的愛
su su n da mi chi no sa ki
在前進的道路彼端　
hi ka ri ga mi tsu ka ru ka ra
一定可以找到光明
YOU'LL FIND THE WAY

ki mi wa i tta　na ga i yu me wo mi ta
你說過　夢見了永遠
to te mo ka na shi i yu me da tta to
雖是個十分悲傷的夢境
so re de mo so no su ga ta wa
即使如此你的身影　
su ko shi mo ku mo ra na i
卻一點也沒有模糊
bo ku wa i tta　na i te i i n da to
我說過　就哭出來吧
zu tto so ba ni i te a ge ru yo
我會永遠在你身旁
ho shi i no wa　da ki a ge ru te wo te wo
我只求　你那雙擁抱我的手　的手

#FIND THE WAY
ko to ba na ku te mo
就算沒有言語　
to bu ha ne wa na ku te mo
沒有飛翔的雙翼
mi da su ka ze ni ma ke nu yo u ni
也要像不輸給狂風般
i ma da re yo ri ha ya ku
若能比誰都快

i ta mi ni ki du ke ta na ra...
發現痛苦的話
ko ta e wo da su ko to ki tto su be te ja na i
說出答案 不一定也完全
a se ra na ku te i i n da yo a na ta mo
別焦急 沒關係 你也一樣

*#

su su n da mi chi no sa ki　
在前進的道路彼端
ta shi ka na hi ka ri wo mi ta
看見確定的光芒
YOU'LL FIND THE WAY

公司之雜念

在公司無聊時的雜念...

> 現在傾盆大雨, 雷雨交更, 我總是覺得我公司會有水災, 或者我會在室內被雷辟死. 可唔可能呢?

> 回顧過去半年因何會病了十萬次同看了五萬次醫生. 今天悟出了道理來!!! 我公司基本上係一個雪櫃, 但係洗手間係一個烘爐. 原因係洗手間無冷氣 (!!!!) 每日在雪櫃與烘爐中徘徊, 我諗病都係好正常 (??) 唉....我呢啲無辜小市民....

> 原來興趣是會受人影響. 時間既薰醄係可以改變一個人㗎 (定只係我係咁飄忽???)

> 人總要有夢想吧?! 沒有夢想沒有希望, 就像沒有靈魂. 已記不起自己上一次有夢想是什麼時候. 當一個人為生活忙忙碌碌, 夢想像是十萬八千里既事情. 以前的夢想好像好白痴好簡單, 但到今時今日都未能實現. 究竟係現在的我白痴啲定係以前立下的夢想白痴啲呢? 我唔想輕易地改變夢想呀. 可唔可以keep住個舊夢想????

> 四方八面既人都同我討論全世界hit爆既iPhone4. 你知我有幾慘嗎? 我從一開始就滿腦子都係iPhone4. 但礙與我收入低微, 小薯仔一名, 邊有錢去買呢啲高檔玩意. 所以, 我日日都同自己洗腦, 同自己講 "我愛nokia!!! 我愛e71!!!" 但身邊既人係咁講iPhone4囉!!!! 我既催眠係完全失敗呀!!!! 我愛生果!! 最愛蘋果!!!!

葉問, 書展, 摩星嶺

這星期的假期, 總算唔係屈係屋企做mummy. *____*

> 看了葉問2, 都幾好睇. 功夫部份好好. 但劇情就無乜. 不過都預咗. 最緊要係睇bluray!!! 呵呵呵!!!! bluray好睇好多㗎!!!!!!!!!!!!!!!!!!!!!!!

> 去了書展 [!!!!!] 好不可思議. 因為上年去完後, 覺得自己唔會再去. 點知....都係去咗. 再一次見識了現在香港啲出版社為咗生意額, 好多書既質素係奇低. 但因為好多係hit爆topic, 所以好多人照買. 但我想話....好多都好無內容囉. 悲哀.

> 再一次起唔到身番崇拜. 好唔開心. 係真係好!唔!開!心!!!!!!!!!!

> 去了人生第一次踏觸既摩星嶺. 好偏僻!!! 去到嗰刻有俾人賣豬仔既感覺. 去既目的係因為朋友仔們想影相. 作為一個理智既人類, 三十幾度天氣, 極高既紫外線指數下, 要帶既物品多不勝數. 所以, 我係無咁笨帶我部相機去!!!! 好多人問我, 咁我部相機買嚟做咩呢. 好簡單, 就係擺係屋企浦塵勒!!! [好嘢] 當一眾朋友拎出佢地值我幾倍身家既相機時, 我係最型咁拎出我嗰部當時值三千幾既nokia e71手機. 型過晒佢地! 今日天氣太熱, 落車嗰刻已經濕晒. 仲使我噴咗無數咁多花露水, 對腳依然壯烈犧牲. 十幾撻蚊口囉!!! 留意, 係撻, 唔係粒!!! 可惡呀!!!! 今日既得著係: 我係成個晏晝行行企企變咗燒味既"o靚模". 哈哈哈!!!

忿怒的午餐

午飯時在一間食店內的待遇好到令人髮指.

食店趕客絕招:
> 係你食完碟飯0.1秒內收哂所有野.
> 飲品嘅糖水唔理你用完未, 照收!
> 收哂野你都唔走, 伙計會係你臉前tuk口tuk臉咁set枱俾下一輪客人!
> 如果咁都唔走, 伙計會叫下一輪客人入嚟企係你張枱旁邊 (!!!!)

做到咁絕, 真係唔走唔得.

但我想話, 呢間食店, 唔係茶餐廳, 唔係大排擋, 佢係一間個款ok既餐廳. 食物唔特別好食. 食個午餐要最少$60喎! 同埋只不過係45分鐘囉!!!

大家千祈唔好去呢間無良餐廳!

Triple XXXX or XXXXXX King (係上環維德呀)

記住呀!!!!

十個嬲!!!!!!!!!!!!!!!!!!!!!!!!!!

雜念

> 當能在三十幾度高溫著住長袖冷衫而唔覺得熱既話, 無錯, 咁, 應該係就嚟病既徵兆!!! [大鑊~]

> 我係絕對唔會俾五十蚊去睇爛港產片, 例如 "出水芙蓉" !!!!!!! 如果只需要$1x元, 我會好勉強咁去睇囉. 所以, 已經睇咗. 亦都証明咗係一齣爛片. 如本小姐用正價同在下睇過爛港產片, 恭喜你! 你係我既VIP [係人生VIP喎. 好威水!!!]

> 得了怪病, 每晚零晨兩點都會開始流鼻水. 係零晨兩點!!!!! [依家開始流呀救命!]

> 今日係公司對住同一個檔案, 一.整.天. 不停將佢改嚟改去. 個感覺就好似, 個檔案係太陽, 我係地球. 我要不停圍住佢轉 [有無人明我講乜?]

> 點解今日唔係星期四呢?????????

祂...

當我覺得生命無意義時, 我慶幸我總會想起祂. 祂的手.... is always holding me. :')

混亂, 晚餐, 開心

與好友共聚晚餐, 掃走我屈悶的心情. 簡單就可以開心.

我個人, 心情太飄忽. 一分鐘前與一分鐘後既心情, 起伏有100層樓咁闊. 有時自己攪到自己都好混亂. 究竟應該係開心定唔開心呀? 點樣可以踏實啲? 好混亂好混亂!!!! 好采係混亂中, 我既朋友令我可以短暫性正常.

我諗, 應該出多啲街, 如果唔係, 不單止會變成宅女. 仲會係神經失常既宅女 :S

<淆底中>.....

清醒啲!!!!

去了兩年多差不多三年沒去的地方.... 一切依舊, 人物一樣, 食物一樣, 但身份不同了.

不同了就是不同了. 沒有如果, 沒有不如, 沒有下文架啦.

清醒啲唔該!!!! 回到現實, 向自己既目標進發. 去去去~

傷心.....

本來好游閒既星期六應該係無憂無慮. 但當我發覺我部iTouch壞咗的時候, 簡直係晴天霹靂!!! 一直覺得部iTouch係理所當然的禮物. 無特別去好好保養. 係咪因為咁所以壞咗?? 好傷心 T___T

我將佢抹得好乾凈....唔知會唔會返生?

生癌追風洗頭水

今早看到新聞, 說霸王和追風洗頭水有二噁烷. 長期接觸低劑量二噁烷, 透過皮膚進入血液及器官，會破壞肝及腎臟. 可能引致肝癌. 即刻好驚, >< 因為我係用緊追風!!!! 仲要用咗幾個月!!! 我啱啱先買咗枝新嘅追風洗頭水同護髮露. 點算呀??!!!! 好浪費呀!!! 我會唔會生癌???

我睇appledaily, 令我不能不佩服現在記者嘅文筆!!!!

"....一手創辦霸王集團的陳啟源、萬玉華夫婦，多次強調自己來自「中藥世家」，由於祖先留下很多中藥養生方面的經驗，夫婦倆 20年前就利用祖傳秘方研發洗髮水， 96年正式註冊「霸王」商標。霸王成立後一直在行內以「大手筆」投放廣告見稱， 05年更重金禮聘成龍擔任品牌代言人，「動 L」廣告深入民心。...."

勁!!! "動L" 呢個形容聲音嘅詞語都有得寫. 好強!!!

免費飯

今日有免費飯食呀!!

我肯定前世做過好多好事, 所以今世有人黎報恩勒!!!!

仲有車接送添喎! 無得頂!

^___^

星期日之concert and 無聊電話

今日提子味snapple話你知:

Real fact #735:
A full moon is nine times brighter than a half moon.

>>>>>>>>>

星期日的concert雖不是完美, 但總算是一個美好的經驗. 完滿的表演後, 有著無數小宇宙的我, 先與朋友們食消夜, 回家後, 根本不想訓覺. 最終同朋友傾了四小時電話@____@ 無聊廢噏不在話下. 但要將無聊升級, 不是人人能做到.

1. 本來只是傾電話, 但因某人想俾啲嘢我睇, 所以要上iChat. 但上iChat後, 都依然要傾電話, 全因某人唔想開電腦speaker. 好無聊囉. 可憐我隻手拿住電話四個鐘. 差啲熱到隻手熟咗. (無呀, 無hand-free呀!!! 唔好問點解, 我都唔知點解)

2. 有人能夠無聊到係iChat時, 將live streaming video, 自己變成jpeg. 即係講講吓嘢突然定格唔郁, 扮係一幅相 (aka jpeg) =.= 最緊要係係最無聊位定格, 令到成件事無聊一百倍.

有啲真係無聊到寫出來驚俾人打, 所以都係唔寫. 請見諒!!

心緒不寧

近日時常心緒不寧, 當然其中原因是明天是一個大日子. 已經好耐好耐無做過大型表現. 還沒有緊張的心情. 只是忐忑不安. *____* 已經有X個朋友問我明日可唔可以偷偷地係大會堂錄音. 我真係唔知囉!!! 大家可以隨便試吓, 緊住睇下會唔會俾人拉. 錄到記得俾個copy我!!!

最近身邊既朋友不約以同地傳來壞消息. 代入感超強的我完全將自己浸淫在這些壞消息內. 頓然天空都變成灰色了. 所做的一切事都變成沒有意思. 日子都變得沒有趣味. 有時我在想, 代入感太強勁, 會唔會短命啲呢?

今日突然想起, 朋友陳生已經回美國了. 又少了一個lunch buddy. 唉. 好depressing.

愛的宣言

九年了, 轉眼間我們已相愛了那麼久. 多年來, 你都沒變. 可能身形變了點吧. 但你始終都常待在我身旁. 雖然我哭時你會冷眼旁觀, 我快樂時你會不啾不踩, 但每晚你都會在我身旁伴我入睡, 我起來時, 你總會在廁所門等待著.

多年來總是覺得虧欠了你, 因要你無時無刻都在等待我回家, 好像苦了你. 但當我想起有時我們互相針鋒相對, 各不相讓時, 你會出奇不意地攻擊我, 令我又忿怒又傷心. 當然為了報復, 我有時亦會做傷害你的事情.

縱使是這樣, 多年來你都是不離不棄地守候在我左右. 我無言感激. 我只希望我們還有下一個九年. 讓我愛你多九年.

祝你生日快樂!!!!

x__X

當我無心機到連SATC rerun on HBO 都唔想睇, 咁真係好大鑊喎!!!

ROARRRRR!!!!!

一流對話

我: 你係邊樹?
朋友: 係九龍塘
我: 係九龍塘做咩呀?
朋友: [好輕佻] 準備開房!
我: ！！！！[好悔氣] 咁唔咗你囉
朋友: 咩事唧??
我: 無...諗住俾concert飛你唧...
朋友: 哦, 無問題, 依家過去搵你
我: 你唔係要開房咩?
朋友: 唔急嘅. 可以等嘅.
我: (.______.)

我啲朋友真係無得頂. 為咗我, 可以連房都唔開住.

感激同流涕!!!!

星期日之沙灘同樂日 (上)

結果係.....仲未寫得出封e貓....唉....真係大鑊呢鋪!

>>>>>>>

星期日, 陽光普照到天氣酷熱. 同朋友去咗半月灣沙灘歎世界. 朋友們都是去嬉水, 而我就諗住在太陽下乾煎自己. 當日我既身體狀況係:

- 早上六點先訓
- 十二點半起身
- 在無食野, 無飲水既一點半時飛出門口
- 準時兩點半去到西貢
- 驚坐船時會嘔, 所以唔咁食野飲水
- 入到半月灣時開始乾煎自己. 當時已經出咗幾桶水既汗
- 到五點為止, 只飲咗三啖水, 食咗少少麵包

係三十幾度高溫乾煎兩小時唔飲水. 咁樣都唔中暑應該都唔係人.

今日返工個人唔識俾反應. 我諗就算有人一巴噤埋黎都會無乜反應. 同客食飯時, 用盡了所有氣力防止自己訓著覺. 所以成餐飯完全無講過野. 呢啲就係中暑既後違症. 陰公!

默想...多謝??!!

今晚要默想的課題是....

若果想要某人多謝你, 你會在共同朋友面前說: "喂, 你要叫某某send封e貓俾我多謝我喎."

其實, 我唔介意說多謝, 這幾年我無時無刻都說多謝前多謝後 (以前唔會講多謝, 好忔人憎囉!!). 受了人恩惠, 多謝感激人家是理所當然. 但當我已前前後後多謝咗幾次, 將我感激不盡既情感表露無遺時, 再從第三者口裡聽到以上既訴求時, 我心裡就總是"喇"住"喇"住. 寫e貓係要正式化我個口頭多謝. 有時, 好頂唔順這類要求.

但好明顯呢封e貓係唔寫唔得囉. 我接受唔到自己咁悔氣地寫一封感謝e貓. 所以, 我現在需要培養一個感恩既心情. shhhhhh. 唔好嘈....

唔知要培養幾耐..... 好懊惱 :S

完美是...

完美的星期六:

- 在早上十一點前起身
- 游閒地與家人吃午飯
- 即興地於好友會面兼閑談個多小時
- 回家與同屋無聊, 自己打機聽歌
- 在沙發上攤屍睇電視

this is my perfect saturday. 滿足至極.

練習日

由朝到晚既詩班練習真係唔係人飲品. @@ 直踩十個鐘, 個人好似無咗靈魂一樣. *___*~~~~~ 飄走了....

以前, 我有夢想過入香港管弦樂合唱團, 但當然只停留在想的階段 (我咁既資質, 入到係奇蹟囉). 因為我覺得有管弦樂團伴奏著唱歌, 係異常興奮既事. 幾十人的合唱團, 加幾十人的管弦樂團, 全部人一條心地奏著或唱著同一首歌, 極度優美的音樂. 你知道這是一件多麼難同勁既事情嗎? 指揮係我其中最佩服既一種人. 皆因指揮的工作, 都唔係人飲品. 分分鐘會顛囉!!!

為了預備表演, 我作出了好偉大的犧牲:

- 一條薯條都無食 (日日望住廚房個包薯條, 受盡引誘)
- 無食過kimchee (又係日日望住雪櫃甖kimchee, 齋睇, 無得食. 無陰功)

無得食熱氣同辣野仲慘過要練歌同背譜囉!!!!!! 好大犧牲架!!!!! *ROAR*

驚的時候...

還有少於兩星期, 就要表演. 我想話, 我而家超驚囉!!!! 係驚到唔想訓覺, 因為唔想聽日咁快到. 時間感覺上好似會慢啲. 我個人驚既時候, 會:

- 不停睇電視 (睇咗六個鐘電視囉!! 隻眼就嚟盲)
- 期間不停搵野食 (無食飯但成肚都係餅乾)
- 不停同自己或隻貓或電視機講野 (我唔係癡線的, 請放心)

我在想, 究竟這世上我能夠找到我的動力嗎? 失去了的在那裡才可以找回?

我討厭這樣的我....

晚安

好累好累好累....

要睡覺去....

晚安!!!

= 3=

傷心星期一

昨晚看了greys finale, 過程極度驚心動魄. 嚇到個心趺埋落街. 但係真係好好好好好睇!!!! 令我更愛greys....幾時有得睇season 7 呀?????? 看了greys 同 castle, 頓然覺得好失落. 仲有咩可以睇???



>>>>>>

食午飯時, 超大雨, 拿著傘都淋濕晒, 仲要高跟鞋入晒水 :S 洗唔洗咁大雨呀? 不停係咁落整個星期, 都係時候停啦啩. ><

i want sunshine!!!! *ROAR*

>>>>>>

星期一, 永遠都不是好日子. 心情好惡劣!!!! >< 當想起放工後不能回家, 即刻更唔開心. v____v

我好心歸架!!!!!

等....悲慘.....

只能等等等等.....*____* 什麼都要等, 好心灰意冷. 有啲咩可以唔洗等呢?

>>>>>>>

昨天看了Castle, 看後好失落. 劇情好悲哀囉. T_______T 帶著悲哀的心情去睡, 結果發了一個世紀大惡夢!!!!!! 夢裡當然發生了我呢期最怕既死穴. 令我在夢裡顛床顛脊. 訓完等於無訓一樣. *悲慘*

現在帶著悲慘的心情去看Greys Anatomy.......可能更悲慘.......

人生第一次

昨天, 發生了我人生多個第一次:

- 反鎖廁所門 : 當未訓醒時, 完全唔明點解自己會未入廁所就關廁所門. 仲要個廁所門可以反鎖到個下勁. 本來已經好遲, 結果攪10分鐘先開番廁所門. 超遲!

- 困"車立" : 只不過係去一樓睇醫生, 咁都會中招. v___v 仲要被困咗20分鐘. 差啲熱死. 一同被困女士, 不停按個警鐘. 令人髮指.

我發現, 原來蟑螂係識爬樹!!! 好驚呀!!!!!

歷史時刻

一朝早, 為了一個9:15am會, 一改了平日大遲到的做法, 9點未到便坐在公司 (!!!!) 這是一個歷史時刻. 所以要記下來. 要9點回到公司, 係要7:15am起身, 8:15am出門, 坐8:20am巴士. 回到公司剛好9點. 如果要食埋早餐真係不得了.

發洩減壓

別人可能用運動去發洩去減壓.

我用彈琴去發洩去減壓. 出了一身汗. 係個廳熱得制出晒汗.

好. 減壓完畢. 不過完全無做過要做既事. 惡攪.

casa fina

這幾日, 都混混沌沌的過了. 好像有好多重要事要做 (唔係好像, 係直頭有好重要既事做), 但又好像沒甚麼想做. 我個人就係咁. 已經好耐沒有事情可以令我雄心壯志 (!!)

好!! 由呢一刻起, 我要為所有重要事情努力!!!

>>>>>>>>>>

昨天與朋友去了cwb henry house 既casa fina吃晚飯. 他們主打係生蠔同西餐. 可以話係好滿意既一餐. 兩個人吃了:

十隻蠔 -五款不同的蠔. 廚師會幫你排由淡至濃. 好味!!!

波菜蠔湯 - 吃得出湯用了海鮮去煮, 然後用blender打入波菜. 幾好, 唔錯.

鵝肝野箘扁意粉 - 呢個意粉好味到暈. 意粉是al dente (!!!) 好香鵝肝味. 但亦都"lau"都暈咗.

US prime rib steak -  廚師既煮功好好. steak有char-grilled的味道. 但比我要求既七成熟過熟了一點. 但overall個steak都幾好味.

呢間餐廳既waiters/waitresses全部都好好禮貌同笑容. 值得推介!!!

報告完畢.

沒有特別的日子

當可以做的是有限, 而做了可以做的都起唔到咩用處時, 身為朋友的我, 都會感到無奈同無助.

但有時看見你笑會令我好快樂!

>>>>>>>>>

沒有特別的日子, 總是比較難過. 一個不留神, 會失去了生命的方向. 然後突然間, 不快樂的情緒會毫無先兆地突襲. 所以, 人是需要方向. 需要目標.

when you think you have it all, but it doesn't mean anything since you're gone.

真的嗎?

星期六 (下篇)

發完燒後, 咳到個人好此就嚟要斷氣一樣. 我啲同事傳染俾我既都無好野. @@

>>>>>>>

星期六晚上去吃了好耐無吃既一門. 好鍾意呢間日本鋪. 好友心情唔好, 吃實在可以發洩心內既屈悶. 所以係咁狂食. 兩個人, 食咗我地平時既雙倍. (!!!!) 埋單時已經飽到上心口, 但好友好明顯未發洩夠, 所以之後仲要去toast box食咗個thick toast加一杯咖啡.

然後去了JW Marriott旁新的酒店Upper House頂層lounge. 好好好好喜歡Upper House既design!!!! 令我想起之前在布吉住的酒店. 談了兩小時, 衷心希望她心情會慢慢好起來.

總括以言, 好慶幸自己搭的士回家時無飽到係的士嘔囉!!!!

星期六 (上篇)

轉了新的版面, 我喜歡陰天的風景, 覺得同我好親.

又病了. 昨天在家床上死了一整天. 發高燒, 又講唔到野. 只可以癱屍. 這時候我實在好佩服自己既聰明才知, 以前將醫生開, 但食唔晒既葯存係雪櫃裡. 就係呢啲重要時候大派用場. 病都躝唔到落街睇醫生時就係靠晒佢地. 好番八成啦.

今天起身, 決定要煮早餐食. 係"煮"ok. 即係要開鑪. 結果終於開了N個月前買既pancake mix. 再煮了scrambled eggs. 好滿意有早餐食!! 然後好有效率咁book埋檯今晚食飯, book埋貓沙delivery, 跟住再洗埋衫! 好有效率!!

>>>>>>>

好多人問我點解要去美國旅行. 首先我係一個美國人. (無錯, 我係鬼妹!!!!) 打從我去美國讀書那一刻起, 我便愛上這地方. 它給我自由自在的感覺, 好似我可以accomplish所有事情. 縱使有好多不快樂的回憶. 好多親戚朋友在美國不同的地方工作. 我喜歡去探望他們. 因我常想, 下一次可以見到他們是甚麼時候? 這個沒答案的問題, 我只好自己製造機會去看看他們. 當然, 美國有著好味既西餐, 牛扒 (十個好味), boston 既海鮮, 意大利式既pizza和pasta, new york既cheesecake, 我aunt既超凡廚技.....加上可以去outlets喪買, 將身上既一分一毫洗盡....

我是多麼渴望回美國生活....

我對美國既鍾愛, 香港既朋友不能理解. 我也解釋不了.

自我檢討

最近, 我爸媽實在好勁. 勁到我要進行自我檢討.

首先, 我爸媽以前係唔會去戲院睇戲. 因為佢地覺得好徙錢. 屋企有電視睇就夠晒. 但近年, 佢地有時都會失驚無神去睇戲.

上星期二, 佢地去睇nodame 2. 無睇nodame 1架喎. 我已經驚奇到彈起. 但係然後我好鎮定兼囂張咁同佢地講: "我下星期二都會去睇啦!" 好勒, 過去星期二我都睇咗nodame 2. 覺得自己無落後, 個人安落咗.

今日, 我爸傳短訊俾我, 問我佢地睇完戲後一唔一齊食飯. 佢地睇完戲後打俾我:

我: 唔食啦. 我唔得閒呀.
媽: 哦. 咁下次啦.
我: 你地又睇戲. 睇得咁密架. 今次又睇咩呀? (好唔抵得咁既聲)
媽: 我地睇咗色慾都市2 (即係sex and the city 2)
我: 吓??????????????????????

令我太震驚啦. SATC2 喎!!!! 今日先上畫架咋喎!!!! 我都未約我啲朋友睇, 佢地已經睇咗??! 仲要唔等星期二有平飛睇喎?!!!! 咩事先? 緊住我媽媽仲要不停咁話SATC2有幾好睇同埋幾好笑, 又話四個主角好抵死. blah blah blah.

但我內心已經盤算緊我要幾時去睇!!!!

我接受唔到自己咁out囉.

nodame

與兩位好友看了nodame 2, 好輕鬆的電影. 看完令人有舒服的感覺.

話說在看戲時, 我坐在兩位好友中間. nodame 有著好多無聊攪笑位 (真係好無聊!!!) 在某個無聊位, 我右邊的朋友大叫 "夠啦!!!". 係大叫呀痴線. 係無啦啦大叫. 我諗全場都聽到. 我當時即時反應係彈向我左邊的朋友, 然後用盡全身氣力去隱笑. 隱到好辛苦. 就算好激動都唔使大叫啩. 公共場所喎. 你估係屋企睇碟咩.

好喜歡nodame內所有的音樂. 不同的樂器全集中在一起演奏不同情感的歌, 好壯觀!

心情輕鬆~

諸事不宜

係餓到肚痛, 定真係肚痛?

>>>>>>

好多事情, 自己從來都無認真看清楚. 當時, 太迷了. 覺得沒所謂. 現在 (今日), 看清楚了, 真正明白有些事情是不能勉強. 無論多麼喜歡, 多麼想要. 不能就不能. 寶貴的光陰就係咁樣一去不返!!!

看清了一個, 要幾耐先可以看清下一個? 呢個問題真係諗起都覺得頭痛. 我做人可唔可以醒少少? 醒啲可以省好多時間!!! ><

>>>>>>

今日本來諗住唔食lunch去午睡, 點知臨時要做嘢. 又眼訓, 又肚餓, 個人即刻燥咗!!!! 所以我今日聽電話把聲衰到無人有. 無論男女老幼, 無一倖免. 所以今日適宜自閉. 再會.

執 (二)

繼續執嘢行列. 發現了驚天秘密, 在兩年內, 我足足儲咗超過二百個紙袋!!! 每次買完野, 我都唔捨得丟個紙袋. 令我諗, 過去兩年我買過咁多野??? 好震驚囉!!! 唔係呀嘛?!

用了半小時篩選, 保留三十至四十個紙袋. 篩選時, 不停好驚訝自己有去過不同既高級商店買野!! 太過分啦! 洗咗咁多錢.今日開始, 洗心革面, 用少啲錢買野.

>>>>>>

昨晚罕有咁睇電視. 看了"掌上明珠"大結局. 這套電視劇, 我諗我睇咗大概三集. 陶大宇一路都係奸架嘛. 奸到好賤個隻. 無端端點解會變成好人架??? 仲要係超級好人個隻喎!!! 最後仲要為了救宣萱死埋. @@ 百思不得其解. (aka 滴晒汗)

睇完大結局時, 頓然覺得自己好out-dated. 感覺就好似世界發生咩事我都唔知一樣. (電視劇 = 世界!!?) 係, 我個世界係好細. 好渺少.

執!!!

執屋執屋.....執到人都癲!!! 一間屋太少儲物的櫃實在好難攪. 十萬樣雜物喎. 點攪呀?

我真係接受唔到囉!!!!!

現實生活

睡了十一小時, 精神飽滿咁起身. 回到現實, 有點不滿. 心情有點煩躁. 現實生活都是煩人. 工作, 同事, 家人, 朋友, 關係, 全都是費神的. 兩星期既放肆令我忘記香港既煩惱. 多美好的假期. 回到現實, 有點不甘心. 但總要面對的, right?

有感覺, 覺得自己多年來無前進過. 只是不停的原地踏步或不停兜圈. 多麼令人沮喪的感覺. 可以離我遠啲嗎?

為了令自己開心啲, 我選擇不停看書. 不是什麼文學巨著或發人心醒既書. 只是無聊到不能再無聊既愛情小說.

P.S. 有日逛書局, 驚人地發現christian books係under self-help section. 令我好震驚! 竟然連宗教section都無. 要列入self-help. @@ 無耐....

Resolution

去完旅行, 總會反省自己的人生. [所以要成日去旅行先得架!!!!]

以前經常想回美國生活, 如果真的回美國, 現在的我會怎樣? 變得好頹廢? 抑或好開心? 然後想, 我要將現在的生活變得有意義, 再去夢一個更有意義的美國夢. 例如幻想去美國退休, 想想在那個州買屋退休. 閑時出海釣魚, 去沙灘看看書, 在家跟著cookbook煮不同既食物. 凈係諗已經好開心!!!!

所以今日開始, 要將在香港的生活變得更有意義!!!! [順便要諗吓點樣找card數 @@]

>>>>>>>>

我要十一點訓覺!!!!!


goodnight!

番來啦

終於回來了. 兩星期的假期....好充實. 是我這幾年來, 真正可以叉足電再有energy回來工作的一次. 我好喜歡在旅行時看見朋友, 在美國的生活始終是我最懷念的!!!!

在紐約時, 探望了師母, 談了很多很多, 當要離開時, 師母流下眼淚. 好唔捨得. 抱了一抱師母, 便毅然離開. 好好好好傷感. v___v 但相信總會有再見面的一日.

>>>>>>>>>>

這假期, 當然充滿了好多無料爆笑時刻. 例如:

shopping完後好累咁係床上碌嚟碌去....

露: [正在碌嚟碌去] 你做咩?
我: [正用橡筋瞄準露小姐既pat pat] 我想彈你pat pat.
露: 無可能瞄得準囉! [當時我地距離只不過一呎]
我: 無可能!! 你個pat咁大, 一定瞄到!!!!

証明了過度shopping會令人神經失常!

今日金句

今日名句:

食野時背脊骨落, 啲食物會去咗邊? -------> 去咗pat pat度.

唔怪得知我pat pat咁肥啦. 成日食野都背脊骨落!!!!! 過份!!

>>>>>>>>

RROOOAAARRR 一肚氣!!

RRRROOOAAARRR

點解做好人無好報? 點解呀呀呀呀呀!!!!!! 次次都係我就人, 無人就我!

發脾氣中

gchat @@

沒有張曉暉的gchat係好無聊!!!!!

無聊咗一日!!!

釣魚vs寫blog

眼訓到唔識做嘢. 好好好好好好好眼訓呀!

雖然我內心係到尖叫 (係尖叫呀!!!!) 好眼訓, 但我外表完全係勤奮員工樣. 完全係一個努力不懈, 要拚鬥到最後一刻咁嘅勢. 拚到放工前一刻, 我會努力咁寫blog!!!

大家覺得釣魚好啲定係寫blog好啲呢?

事奉

今日, 突如期來地聽到一句說話:

能夠事奉上帝, 係上好的福份

這句說話, 一直都知, 一直都明. 但我發現我好耐無咁諗過. 只是一路去做自己可以去做既事情, 但無諗過有得做已經係上好的福份. 不需在乎事奉既結果. 多少身邊既人好想去事奉但環境或時間唔許可. 能夠有時間有精力去多多事奉, 是莫大既福份.

我是想多點事奉, 但應付不了. 每日二十四小時真係無可能足夠呢.....

訓 + 睇電視

尋日, 過咗一個史無前例咁遊閑既星期六. 先是朝早怒彈兩小時琴. 然後, 補鐘訓咗兩小時. 起身後看了兩套電影. the ugly truth 同 julie and julia. 兩套都好鍾意!! 睇完戲後食咗少少野, 然後睇咗一陣電視, 未到十點, 又眼訓, 再訓. 起身時, 已經係零晨四點 @@ 超級精神. 一路食雪糕一路睇電視. 緊住七點鐘又好眼訓. 又再訓!!!!! 起身時已經係一點幾! 勁呀!!

以上既一個特點係, 無電視睇同無得訓我會死既!

已經好耐好耐無試過訓咁多. 應該可以解決我唔夠訓既燃眉之急!!!

>>>>>>>>

媽媽, 母親節快樂呀!!!

寶貝寶貝

萬眾期待, my baby 終於投入我既懷抱!!! 俾大家欣賞下我baby既靚樣.

我baby真係超靚仔!!! 點解可以咁靚仔咁stylish架?

彈咗兩小時. 好累呀!! 不過我baby雖然唔係真鋼琴, 但係佢同真既無乜分別. 最鍾意佢可以插headphone. yeh!

baby萬歲!!!

近況 (二)

這世上, 有好多籍口唔返工. 我唔返工既原因不嬲都好前衛(!!)

前幾日我發脾氣, 上晝係無返工既. 原因係.....我俾蚊咬都訓唔到覺. 成晚就係開住燈部隻蚊!!! 仲要部咗兩個鐘. 結果本來五個鐘睡眠變成三個鐘. 所以我覺得自己上晝唔返工係好啱囉!! 惱訓多四小時. 然後我突然諗, 如果露小姐係到就好啦. 因為隻蚊會咬佢唔會咬我, 咁我就唔洗唔返工啦 (好賤呀咁諗!!! wahahaha)

>>>>>>>>

這星期, 精神經常緊張. 有錯亂既傾向. 某些人係香港既出現令我極度困擾!!!!! 情況嚴重. 點解我要成日做我唔想做既野呢?? 說話方式原來有時會做成對別人情緒好困擾. 我都要審視吓自己既說話方式!! 睇吓可以點樣令人更困擾 (wahahahaha. 損人不利己既野我最有興趣!)

>>>>>>>>

現在心情緊張....waiting for my baby!!! worhorhorhorhorhor! please come to mama!

近況

近來好似好忙, 但唔知自己忙乜? 每日都好夜返屋企. 連返夜更既"實橋"都問我: "黃小姐, 你返夜㗎?" ehhhhh. 係咧, 點解我日日都咁夜返屋企架呢? 好辛苦呀!!!

>>>>>>>>>

星期五已經靜悄悄咁黎咗. 唔該可唔可以靜悄悄咁走埋呢? 唔該晒!!!

>>>>>>>>>

好好好好好掛住肥貓呀!!!!!! 原來我唔可以無咗佢. 好憂鬱呀我. v_____v 我又要同自己+四塊牆講野. so scary!!!!

the power of prayers

特別感觸...在街上看到不同的人. 常想, 可以怎樣幫到他們.

*小巴上, 一個輕度虐智的乘客問其他乘客他應在那裡下車. 無人理佢. 司機帶著不禮貌語氣對他. 覺得有啲難過.

*在街上, 看見一個叔叔一路行一路指手劃腳, 應該是精神有問題.

*在路邊, 看見一個伯伯在拉二胡. 十一點幾在銅鑼灣.

現在, 只可以為他們禱告.

晚安....

Calli貓

好掛住我隻肥貓呀...

肥貓肥貓~~~ (叫喊中)

沒有肥貓的日子, 好寂寞....

我愛...

我有好多喜歡的band...

但這一刻, 我愛coldplay!

一個字: 好飽

睡太多, 有錯覺, 以為夢是真, 嚇得自己騰騰震. 標晒冷汗. @@ 點解成日都發惡夢哩? 好明顯係壓力大!!!!! (自問自答)

今日買咗好重要既野! yeh yeh yeh! 然後同爸媽食shabu shabu放題. 真係人出食物, 我地出錢同出命. 飽到想死. (比飽到想嘔更嚴重!) 最衰就係有haagan daz雪糕任食添囉. :S 惡攪!!!! 訓覺前做一千下situp都唔掂呀!!! 要做夠一萬下!

>>>>>>>>>

心情總是高興不來. 有好多值得我高興好耐的事情, 我只會高興五秒. 點解經常只在below average的線以下? 費解. 何時可以above average呢?

壞習慣

我需要改變一下我啲習慣. 係嗰啲唔死到臨頭都唔流眼淚既習慣.

(1) 洗衫要係鐘點工人嚟既最後一刻先去洗, 先可以俾佢燙 (即係零晨三點幾仲乾緊衫. yawnnn~)
(2) 交卡數, 電氣單, 煤氣單要係最尾一刻交 (即係係11:59pm交)
(3) 出門口永遠都係遲到既. 利害之處係今日同事sms我問我落唔落公司樓下食早餐. 我既答服係"我仲等緊巴士喎". 當時係9:35am.

我覺得我遲早會...死! (多謝晒)

累~

回來了. 身心疲累.

買咗好多嘢, 大部分係幫朋友仔買. 買得好開心, 緊住自己又買. 見證住同事喪買既同時, 再一次對於洗錢洗到好似無明天咁, 覺得好興奮囉. 果然係live at the moment! 消費能力好高囉. 好羨慕. 但啲錢應該可以幫到好多貧窮小朋友喎.

雖然去了"散心", 但係心情完全無改善過. 對於回來後都係要面對同一事情, 煩惱同一事情, 唔開心同一事情. 發覺原來真係無得逃避現實. 無論去了多久, 都唔會消失. ROOOOOAAARRRR!

要勇敢. 去吧!!!!

番來囉~

強勁回歸!!!

公休

歎抖幾日....

v____v

無聊星期一

今日之observations:

(1) 胃唔舒服時, 千奇唔好飲果汁

(2) 胃唔舒服, 食梳打餅係真係有效既!

(3) 出前一丁個麵太大, 係食唔晒, 要揀梗食.

人生的第一次....坐綠色小巴時, 坐到中途, 個小巴司機突然停車, 泊埋一邊, 然後去對面馬路報紙檔買野.... @@ 乜可以咁架咩???? 係咪犯法架????

番屋企時, 發現了一間小食店, 專係買炸野 (炸雞粒, 炸薯條, 炸花枝丸 etc) 但佢唯一一樣甜野係炸brownie (*o*) 即時眼前一亮. brownie...my 飛忽!! 他將brownie切開一小舊一小舊, 然後炸咗一陣. 係好.好.味.架!!!!! (味皇上身!!) 好幣, 俾我發現間咁既嘢, 以後無好日子過啦. 啲人可唔可以諗賣啲健康又超好味既野去撼啲熱氣野鋪頭呢?

難難難

做人真難. 我只想什麼人都唔見. 什麼都唔想講. 什麼都唔想解釋. 但為什麼總是要不停的解釋? 我不需要亦不想對任何人解釋這些, 點解我要咁樣, 點解我會去邊到, 點解呢樣點解嗰樣. 我去邊到係咪要通知稟告全世界全人類? 見面時打招呼, 分開時只說"再見", 不是最好嗎?

做人難, 因為講說話的技巧好難. 人總會assume事情是這樣這樣. 那為甚麼要問呢? 我依家先發覺我係屬於一個秘密人. 有好多野都唔鍾意講俾人知. 記得曾幾何時我唔係咁. 以前我鍾意咩都同人講. 但當發現同人講得到的唔係關心/solution, 而係教訓我唔應該咁, 下一句就係"都話你應該"點點點. 對呢啲對話感到好無聊, 又無建設性. 然後發覺無論是對誰說得到的反應都是呢啲. 令我完全失去興趣對人說話. 無聊吹水我會仲好耍家. 而好似變成我唯一會的. 成個人變得毫無內涵. 咁我應該怪誰? 邊個話內涵一定只係自己既修為?

我受不了長時期精神受到干擾. 我要走.

忙碌星期六

好充實的一日. 六點幾起身! @@ 勁! 我發覺早起身好坤水, 因為食咗四餐. 好過分. 平日食兩餐咋喎. 今日肥爆!!!!

嬤嬤入了醫院. 本來好擔心. 但今日去探佢時, 佢精神幾好. 腳已經唔痛, 不過以後都唔應該行咁多路. 都係擔心. 我嬤嬤太好動, 無得行太多路, 驚佢會覺得好悶. 煩惱 v___v

ROOOOAAARRR

串串串串

今日放工去食久遺了既串串. 好嘢!! 但因為腸胃唔好, 爭扎咗好耐究竟食燒賣好定係魚蛋好. *____* 兩樣都係我既至愛. 最後我係忍痛咁選擇咗燒賣. (對唔住呀魚蛋!!! 下次補番數!)

然後係旺角先達隔離間串串檔, 又想食. 但係當然好乖咁忍住 (忍得好辛苦!) 呢間串串檔就勁囉. 諗得出既串串檔小食都會有. 魚蛋燒賣唔晒講, 碗仔翅, 生菜魚肉, 煎釀三寶呢啲不在話下, 仲有我好鍾意食既墨魚丸,牛丸,司華力腸, 炸雞脾, 煎菜肉餃都有喎. 我比較少食既臭豆腐, 牛雜都有. 好勁! 同埋我覺得最勁既係, 買串串要拎飛等喎! 無乜邊間要拎飛㗎. 好有系統同秩序. 人地真係有諗過個logistic. 隔離有得買台式奶茶. 買咗串串買嘢飲會有discount添. 利害利害!

好想食呀!!!!!!! ><

如果所有款都買一個緊住再買台式奶茶, 食完後唔知會唔會可以即刻請sick leave呢?

唔想

公司的晚宴, 比預期的好. 起碼無我想像中咁太悶.

當其他檯的同事興高彩烈咁嗌"飲杯!!!!!", 我個檯既人係無乜表情. 好cool. 點攪?

不同人都會去social吓, 我就玩手指兼耽天望地. 非常有建設性呀!

好不願意咁去南韓. 係好.不.願.意!!!! (咁講係會俾人打同埋滅口架!)

ROOOAAAARRR

ROAR

幾經辛苦, 填完稅表.

我的panic mode正式啟動!!!!

PANIC! ROOOOOAAARR!

meow....

人生裡既第一次薑汁撞奶.....係失敗既 v____v

不過好采朋友話我聽薑汁蜜糖奶好飲. 所以將我既失敗之作轉成好味暖胃既飲品! 好嘢!

>>>>>>

皆因星期六日太頹廢, 乜都無做過, 好多好緊要既嘢一慨無做! 每年四月十五係我最唔鍾意既日子. 因為要file美國稅. 最唔鍾意填表!!!!! 得番兩日!!! 點x算?

>>>>>>

同場加影:

大脾上的貓兒

隻腳痺咗...

夢想早晨

好好好飽.

好喜歡飲完後, 只需要三分鐘就可以轆番屋企既感覺. 好爽呀!!

>>>>>>>

我夢想中既早上, 係我可以煮早餐俾自己食, 然後施施然去返工. 但我呢啲返工咁準時既人, 要有時間煮早餐就尤如要係一秒內煲熱啲水一樣咁趕!!!

但係為咗達成我既夢想, 我略盡綿力買咗一盒pancake mix. 只需要加水, 煎兩煎就攪點. 好! 睇吓盒mix過期前會唔會開到齋先!!!

我的weekend

頹廢是我的方法.

星期六一點起身, 吃早餐, 睇電視, 吃零食, 睇電視, 吃晚餐, 睇電視. 電視是我weekend的生命. 我係一個超級電視精. 家, 可以無食物, 無水飲, 無電腦, 無野玩, 但係唔可以無電視!!!

我為了電視, 每月奉獻$1xx 俾nowTV.

>>>>>>>>

今日都係一點起身 (究竟想點哩?) 起身後, 沖涼, 餵肥貓, 緊住即刻菲傭上身, 換床單被舖, 洗衫, 清肥貓個litter box. 食完野之後, 要去超市買日常用品. 仲要去買貓沙.

然後夜晚去飲朋友的喜宴.

簡直係好似好得閒, 但係其實忙到暈既一日.

我比較想返工囉.

感動. 不感動.

這世上所發生的, 總能令我出奇. 有一刻是感動的.

但感動轉眼就不見了. 我. 太心硬. 我都討厭自己這樣呀. 不過無辦法.

太夜了. 腦筋停咗. 晚安.

挪威的森林(二)

看了這書一大半, 看到不能自拔的地步. 真的好佩服村上春樹. 對於愛情, 精神病各樣都寫得很細膩. 好像他是書內的主角, 他親身經歷過一樣. 用的文字, 全都是漂亮的. 有時, 好想自己是一個懂得日文的人, 可以去看原著.

我是那種看書不懂停下, 癈x忘餐, 完全漠視肥貓嘅存在, 什麼都不做, 直到看完為止. 完全沉迷在故事裏. 聽不到現實裏的任何事. 實在有啲離譜!

>>>>>>

這幾天, 都留在家. 不想外出. 但在家, 只不過是在沙發上, 電視機前呆坐. 電視機播的, 沒有留心看. 連電腦都不想掂. 就這樣呆呆的坐著. 夜了便去睡. 好似有啲神經病!! @@ ok. 我會變正常的!

但係現在我唔想見人喎. *___*

好孤獨

世上僅有的, 每日逐少逐少失去. 是一種令人害怕的感覺.

真誠, 差不多絕蹟. 為什麼? 去到那裡了? 覺得最能, 最有把握找到它的地方, 卻原來沒有.

我本以為正常的, 正確的, 別人告訴我錯了. 我的想法才是不正常的一群. 為什麼? 最好的朋友說出這樣的說話, 應怎去回應呢? 結果什麼都沒有說. 我是軟弱嗎? 怎麼總是不能為真理辯駁?

我. 極度軟弱.

在這世代當一個基督徒, 是孤獨的. 可以堅持幾耐? 還有多少個十一年要捱?

納悶

由鰂魚涌商業區搬來上環區, 起初極度不慣. 因我熟悉嘅食市, 餐廳, 小食店, 銀行, 每日都會去嘅7-11, 通通都不見了. 喜歡吃的, 都沒有了. 來到上環, 這裡我沒有熟悉的鋪頭. 每日都要花好多時間諗食啲咩. 去7-11變成要去OK. 去開靚靚餐廳變成要去茶餐廳 (茶餐廳坐唔耐呀!) 下雨時無得唔擔雨傘去食飯. 下午無得好似以前咁好方便去買coffee或買串串食. 工作變得不再busy. 公司不再理會這部門. 老闆唔得閒理我地. 相熟同事一個一個離開, 可以傾訴的對象差不多沒有.

去到咁嘅地步, 應該點好呢?

我不是一個喜歡求變的人, 但我更不喜歡坐以待斃!! (但我講咗幾年啦喎! v___v)

沒奇蹟的一天

好blue的星期三. 天色好灰. 沒有奇蹟發生的一日.

無嘢想寫, 無心情.

我啲心情去晒邊到?

放假篇

放假放到傻更更.

上星期去看了eason演唱會. 說實在, 我好喜歡eason. 不是他人本身, 只是他的歌. 為他作曲填詞的人以至都eason演譯這些歌, 好喜歡. 他應該是病了, 聲都沙了. 當我身邊的朋友憤憤不平eason應該好好保護自己的聲線時, 我卻覺得他的聲音真的極度sexy!!! 我異常鍾情於唱歌時有少少聲沙的人, 總覺得他們是性感人類. 雖然這代表eason唱高音時是非常勉強, 但整體來說, 好好聽喎!!! 最佩服他是, 他全晚差不多沒說話, 只是不停唱不停唱. 唱了三十幾首歌呀! 好勁囉!

>>>>>>>>

昨日早上去了掃墓, 然後下午同朋友去了喝咖啡, 好好的聊了三小時. 乜都傾. 真開心. 當然有大量笑料. 例如我們在G.O.D.的caffe habitu 出來時, 我看到G.O.D.有一個iphone的外殼, 好authentic look. 在扮報紙上那些舊式"通渠"廣告. 但他寫的是"通電", 然後下面寫了姓名電話. 我完全在毫無意識下好大聲咁講出那姓名:

楊巨祥

(如果你大聲地讀出後都唔知點解, 恭喜你!)

當時我讀完後都唔知有咩特別, 但我兩位朋友用超不能致信的眼神望住我, 然後爆笑. 在他們爆笑後三秒我才醒覺! 好慢囉!!! 不過証明我思想唔污濊!!!! 異常純潔!

然後在過馬路時, 朋友C說我地唔守交通規則. 我便即刻唱 (仲要用小朋友聲唱!):

過馬路 勿亂跑 馬路如虎口
交通規則要遵守 安全第一 "boot boot" 命長久~~~
(廣告最後有剎車同撞車聲, 我都扮埋, 扮得好似㗎!)

就因為我既剎車同撞車聲扮得好似, 朋友C聽完後係笑到停不了! 証明我功力何其深厚!

corolla vs porsche

縱然無突別要求, 但都過得俾我想像中豐富.

下午同朋友食brunch, 緊住毫無預算下看了一齣好爛的港產片(假期就係咁樣來糟撻的!), 再然後去了agnes b 吃了個極速下午茶 (20分鐘內完成, yeh!) 再再然後飛去ifc再看電影 (無錯! 又睇!). 看了比較冷門的"the single man". 出乎意料的好看. 吃了滿足的晚餐 (是好吃的沙律呀!!! 多好, 又可以乘機減磅) 最後節目就去了蘭桂芳.

我想我的胃是真的壞了. @@" 平常的我是不會在半瓶白酒加一杯cocktail後胃唔舒服的. T____T 好傷心. 莫非年紀大了是會退步的???! 好傷心呀!!!!!!!!!!

>>>>>>>

朋友說了令我笑到甩肺既事. 話說她要去練車因她將要在法國揸車, 但有好幾年無揸. (好型呀!係法國揸porshe喎!!! 有錢到有少少想打佢) 她打去 李X 或 X健 駕駛學校. 接電話的人好有禮貌的問佢...


接: 你會揸邊款車呀? (問咗兩三次)
朋: ehhh...我會揸porsche (其實好唔想講但佢不停問)
接: oh. porche 好大馬力㗎喎. 咁就要用差唔多馬力既車去練車啦! (戲玉到啦!!!) 咁你要揸COROLLA 練車啦!! (咩話!!!!! @@) 同埋corolla車頭車尾同porsche差唔多! (好想即刻打電話俾個接線生同佢溝通下囉)

我人生裡, 第一次聽見人拿corolla既馬力同porsche比較. 真係令我大開眼介!!!!!!!!!!! 當時在LKF, 我係笑到個頭90度向後, 個口大到可以擺得落一個拳頭. 真係笑死我.

ok. 唔再笑. (zip!)

今日眾多笑話裡, 呢個係經典中既經典囉!

slang. 身體健康.

多數我短訊朋友會用英文, 勝在打得夠快.

再快啲, 就會用英文slang.

好多時朋友唔get我既意思, 答案令我哭笑不得兼想打人....同埋想放棄.

當我感冒時...
朋: how are you feeling today?
我: better. dun sweat abt it. (我想話唔洗膽心)
朋: oh. do you feel cold then?

好明顯佢係唔get我既意思. 當堂無晒心機復佢.

無錯. 我係一個美國人. 我有美國passport. 但係就係無中國passport. 點攪? 以後都唔講slang囉!

>>>>>>>>>

突然想起big four演唱會時張衛健唱的身體健康. 曾幾何時是我好喜歡的一首歌. 歌裡的詞是好sweet的.

如若我　患了傷風
怕就怕你惹了我的咳嗽
連累你　發起高燒
跟我睡覺你也要分睡床

如若我　喉嚨腫痛
怎樣去唱你愛聽的歌韻
連累你　唇乾口淡
因要共我吃最淡的粥最青的菜

＊我不要做弱質病人
變一個負累你不幸
誰想有病　厭惡呻吟
我不要千金百銀
也祈求這小小的福蔭＊

＃我只想　身體健康
我害怕你要照顧我擔心得出一臉倦容
而我病床中反悔內疚　令你太心痛

我只想　身體健康
要活到過百歲不需拐杖都可跟你相擁
不忍你勞碌的照料我
受了這種切膚之痛＃

如若我　跌斷雙腿
我就算去那裡你都跟我
扶著我　輪椅中坐
親我時你也要俯身彎腰

人漸老　耳朵失聰
怎樣去聽你說我多可愛
唯願我　牙齒堅固
可吃盡你炮製我愛的每款小菜

我會為你好好的保重
我怕病了等於失了寵
怕你嫌藥味太濃
藥煲太重　不知怎操縱

我只想　身體健康
看著你替我蓋被　窩心得心有點痛
得到你這般的愛護我　眼淚這刻難自控

為了所愛的人去祈求健康, 好凄美哦....

挪威的森林(一)

前天開始在讀村上春樹的 "挪威的森林" ... 對於文盲的我, 一直都不知道這是愛情故事. 只看書名, 一直以為是甚麼甚麼文學巨著! 看了四分一, 覺得應該是本有趣的書. 有好些地方是非常爆笑的. 在車上, 差點被人誤會是白痴或是有病. @@" 真無辜. 睇書啫...唔使咁既.

以下書的一部分內容:

"...綠從樓下搬了兩塊坐墊, 四罐啤酒和結他到曬衣露台. 於是我們一面繼續眺望著冒出的濃濃黑煙一面喝啤酒. 然後綠彈起結他唱起歌來. 做這種事不會召惹鄰居反感嗎? 我試著問綠. 因為我想一面觀望鄰居的火災一面在曬衣露台飲酒唱歌, 實在不是一件多正常的事...."

看到這裡時, 實在忍唔住幻想這種情況....隔離街火警, 樓下幾十人在救火, 控制秩序時, 我在露台上觀望飲啤酒都不突止, 仲要彈埋結他, 唱埋歌. 超爆笑!!! 完全係撩交打既舉動! 我覺得我好可能會咁做. 不是幸災樂禍, 只是在自己無能為力時, 選擇做自己喜歡的事情. 當然, 做自己喜歡的事情唔代表唔會俾人打囉.

現實真殘酷!

生活小事(二)

為了健康, 繼續健康大使既責任與義務.... 煮飯! 好累. 煮到食到洗都唔使一個鐘. 係咪快得有啲離普哩? 又煲花旗參湯. 煲埋呢次下次可以煲第二啲湯啦!!

>>>>>>>

在惠康買東西時, 看見久遺了的三角朱古力. 凝視了五秒, 在五秒裡像有無數flashback. 排山倒海的. 呆呆的望住, 有點不知所措. 究竟應該點樣哩? 五秒後, 我選擇頭也不回地繼續步行去收銀處. 之前的flashback已經不知所蹤. 我在想, 噢, 原來我是可以這樣的.

已經過去的就隨它過去, 不用去忘記, 因我不能. 它永遠都會伴我左右, 隨時出現. 由它吧! 它喜歡出現, 我便陪它玩玩吧!

六條三角朱古力放在一起時, 好漂亮的哦!!

>>>>>>

肥貓又扮青蛙叫....有無聽過青蛙慘叫?

生活小事(一)

ok...我是抵死的. 再一次挑戰我老闆的耐力! 但我會為了每日都會有新嘅世界紀錄產生而感到無比的驕傲!

今日世界紀錄:
(a)由起身到沖涼到刷牙到換衣服到吹頭到餵貓, (b)再搭小巴到轉地鐵到行番公司, 全程用了一小時.

平時 (a) 已經要一小時. 我是充滿無窮小宇宙的!

>>>>>>>

同朋友討論"開玩笑"這個題目. 我好喜歡我的朋友們, 因為他們是那些無聊時十萬個無聊, 但認真時非常認真的人. 多好! 當你好想無聊時, 他們會奉陪到低. 當你認真地問他們意見時, 他們會好認真地替你想. 試想想, 如果你好認真時, 朋友卻極度無聊, 你想無聊時, 他卻極度認真地想時, 我諗, 我會好有衝動打人.

我不寄望我的人生多姿多采, 但我希望我人生不只有黑白灰.

Casting Crowns

喜歡Casting Crowns...

喜歡他們的歌...

喜歡他們歌裡的訊息...

喜歡他們....不需要特別的理由....

靈魂less

今天的我, 像沒靈魂一樣. 所有要用腦諗去做的事情, 一律都不能成功. 你話幾大失敗感!!! 嚴重打擊我高傲自信心. v___v

打擊事件一:
諗住用意志力早啲起身可以食早餐, 不單只起唔到身食早餐, 起身時已經係九點!!! 回到公司十點三. 老闆臉色唔係人飲品. 恭喜哂!!

打擊事件二:
係升降機內, 試圖並企圖按開門掣去關門. 仲要按了五秒, 心裡不停罵 "攬錯呀, 咁耐都唔關門!! @#$%" 成個白痴仔咁.

打擊事件三:
朋友e-貓我attach咗信嘅scanned copy. 其實只要print出來就可以用. 但係聰明嘅我係不停叫佢山長水遠寄俾我. 然後佢輕描淡寫話 "you can print it out and use it". UN AHHHH 爆炸咗...

一連串打擊令我無心戀戰....

真的, 假的?

睡眠不足, 整個 lunch time都在午睡 [一個半小時呀!!] 午飯都無食. 午睡時, 發了奇怪的夢. 夢裡我老闆, 其他 team 的 team heads 全都出現, 令我精神異常緊張. 要做這樣做那樣, 真係比無睡覺更累!!! 起身時還在想, 是夢還是真的要做? 好混亂呀!!!

唔制! 我要再訓過呀!

有折日

輕鬆的一天. 崇拜完後去了荃新天地行街街. 跟住石琦小姐真係著數多多. 先去A-1買了好味麵飽 [真係好味㗎!!!], 再去馬莎買了想買的鞋, 全部都有折喎!!! [買麵飽都有折真係好過份囉! ]咩事?? 不過突發事件發生喇. 係馬莎時突然好想嘔. 要即刻匆去洗手間. 嗰一刻, 我諗, 死啦! 如果係中途嘔咁點算好先? 好樣衰㗎喎. 好采趕到洗手間. 但係最後係嘔唔出. @@" 攪乜!?

但係實在太唔舒服既關係, 去咗星巴克坐. 兩位靚女在閑聊時, 我就趴咗係檯訓覺. 應該訓咗起碼30分鐘. 當我起身時, 尤如復活一樣. [yeh!] 跟住去食gelato [完全無懼!]. 又有折囉 [真係離晒普!] 除咗搭車, 乜都有折呀.

晚上, 請了屋企人食飯. 高級飯喎! 食咗我$1200! 不過算好抵. 又有菜擔翅, 又有斑, 又有海參蝦球, 又有鮑汁鵝掌, 又有燒排骨, 仲有糖水甜品! 每次同亞媽食飯, 我都會好似人地番鄉下咁, 回家時一袋二袋, 尤如要補給物資一樣. @@" 拎到我手都斷.

雖然用了好多錢, 不過又好似好抵咁喎.

B. Button

剛剛看了the curious case of benjamin button. 看了兩次. 是一齣好電影. 有時喜歡沉淪在傷感的感覺裡. 多凄美. 由相識到相愛到分離到重遇到死去. 可以經歷的, 他們都經歷過, 是何等難得. 他們的故事, 這樣的結局...多吸引.

人生裡, 會有多少人, 每晚睡前都會心裡跟你說一聲 "晚安" ? 日復日, 月復月, 年復年. 能被這樣的人愛著, 應該會覺得幸福吧?

朋友們, 晚安

你, 你 晚安


祝 有好夢伴隨

住家飯

自從病完後, 誓要令自己抵抗力提升!!! 決定食多啲住家飯 [即係自己煮!!!] 除了煮飯, 還自己煲湯. [好勁呀!!!]

亞媽: 你成日無湯水唔得架 [係佢口頭禪]

所以, 昨晚煲了花旗參湯俾自己飲. 今晚又可以飲. yeh!

喺放工前要諗到今晚煮咩食, 根住去買餸...@@~ 日日咁諗法, 白頭髮都會多幾條.

[思想中...]

宇宙胃

如果可以食哂一個飯盒, 對於我來說, 是好驚嚇的. 我個胃有如一粒豆咁細. 經常食兩啖就話飽. 但當我在吃大家樂飯盒, [係呀, 無人倍我吃飯, 要食飯盒!!!] 吃得津津有味時, 驚覺只食剩幾啖飯時, 當堂好驚!! 即刻合埋個飯盒, 掉咗. [但係我未飽呀 @@"]

點解?????

我個胃, 變成宇宙咁大了嗎? 咩事先???

有趣晚餐

當心情麻麻時, 都會有朋友冒起. 真安慰.

差不多三小時的晚飯, 好有趣的一個晚上. 我喜歡談一些不著邊際的話題. 聽聽朋友兒時的遭遇及奮鬥史 [@@???], 研究下朋友們中間所發生的, 是很有趣的事. 這樣, 能夠日積月累的去認識身邊朋友的種種, 我覺得是一種福氣. 有時你想去了解的朋友未必與你有著這樣相同的相法. 有時會無心情或時間去實行. 有時未必遇到這樣的人讓你去了解. 可以有九千種原因令你不能如願如償. 所以, 我覺得是莫大的福氣.


是晚去了 soho 的 al dente. 食物依然有水準, 但就是server麻麻.

我始終都是鍾情意大利食物. 呀! 又陷入困境裡..... >< 有回憶真係慘.

悲哀的夢

檸檬茶味 snapple 今日話你知:

Real Fact #685
Dog can make about ten sounds, cats make about 100

我家肥貓可以扮青蛙叫的!!!! 貓, 係勁啲嘅! 嘿嘿...

>>>>>>

有時, 以為事情會被淡忘, 但一個夢會將你自以為已癒合的, 已沒影響力的, 泹蕩蕩地, 大巴大巴地告訴我 .... 原來, 還是會痛的.

只不過是一個夢. 醒了. 就無事了.

我在想, 我戓許應該慶幸自己還會痛. 曾幾何時, 我生活得了無生氣. 靈魂像沒了一樣. 沒事情令我快樂. 亦沒事情令我悲哀. 這樣去保護自己, 是多沒趣的日子. 我寧願能夠大癲大肺.

有回憶, 總比沒回憶的好.

惡補

師母給我的意見我會牢牢的記住. 不過都好灰....雖然唔會走音, 睇譜快, 但唔夠聲, 聽似可有可無... =.= 唉. 咁點攪.....簡單啲講係一個好穩陣既隱形人. 咁穩陣嚟有咩用!!!! @@

又要找我媽填鴨式惡補聲樂. 我要超努力. 我好想有用啲囉. 唔洗好勁, 但起碼唔會可有可無先囉. 如果唔係唱嚟做咩呢?

>>>>>>

我要請食飯. 睇下邊個咁好彩先....

啲錢去咗邊?

奇蹟..
奇蹟.....
奇蹟......
奇蹟呀!!!.....

心情好, 個人做嘢都唔同啲!

>>>>>>>

今日想起, 我已經無搭的士番工 [通常講到呢到係會俾人打 @@], 照理應該每個月可以儲多兩千蚊. 但係點解唔見户口每個月多兩千蚊呢? 啲錢去咗邊?????? 照計一年可以儲多二萬四喎!!

[懊惱中....]

BOB 頭

我對於自己的頭有著一個奢望, 就係好想剪bob頭.

叫奢望因為被我髮型師哥哥用鄙視既語氣打沉咗.

"你! 算吧啦!"

就咁一句就打沉咗我既雄心壯志. 與bob頭註定無緣. 每次見到雜誌內啲model剪bob頭都會無限羨慕. 每次試探地問髮型師哥哥佢都會一句打沉我. 唉. 好hurt. 唔緊要. 我勝在有無限小宇宙. 再接再勵! 問到佢肯為止. [呵!呵!]

L.U.V.

睡太多, 發太多夢. 盡是以前的事. 原本好累好暈的頭, 起身時更累更暈.

看了四次醫生, 請了四日病假, 吃了無數的葯, 睡了無數小時的覺. 都了無起色時真係好氣餒. 有一刻真係以為以後都唔會好番. 根住已經諗定如果唔好番以後可以做啲乜. 點樣可以過埋下半生. 例如每日唔好太早起身, 要訓到起碼12點, 根住每一套美國電視劇要慢慢睇. 下午三四點搵人推我去露天咖啡室去吸收吓維他命D. 夜晚同屋企人食飯. 咁就一日. 有時病得太耐會令人諗埋啲唔等洗既嘢.

當去到極度無奈無助時, 我的救星都會出現! [當然是我媽啦!] 我呢啲不肖女當然語氣好差死頂叫佢唔洗過理, 而我媽當然係當聽唔到一於少理照過理, 又煲粥又煮米粉我食. 望著我媽的背影, 霎時感動. 我真係幸福!


我愛我媽媽...

!@#$%^

@#%^&#@$%^#@!@#%^&#@!

講完.

病人的煩惱

病情反覆, 令人覺得好煩. 不斷食藥都唔好. 想點先?? 好想番屋企怒訓. 最好呢世都唔使番工就最好 [關咩事呢?]

>>>>>>>

我常想, 一個人有朋友固然不簡單 [有朋友係好唔簡單呀!!這世界不知幾多人無朋友呀陰功]. 但能夠斷然地頭不回, 眼不眨地與朋友斷絕來往更加豪不簡單呀. [勁呀!]

試想一個不少年日嘅朋友如果一聲不響地消失, 應該都好嚇人囉. 此舉動令我萬分佩服. 真的! 起碼我做唔出. 我覺得如果我做得出就發達. [同發達有咩關呢?!]

通常令我煩惱係應該點樣面對這樣的朋友. 應該努力地爭取到底, 抑或算吧呢?

1. 努力地爭取到底, 絕不罷休
2. 努力地爭取一兩次, 根住算
3. 完全唔爭取, 算

我通常選擇 2. 都唔係好過份姐....啊?!

無聊篇

我爸近日好緊張我份工. 皆因同二少打工都唔好得去邊. 我其實無點講嘢, 我爸就係咁數. bee lee baa laa 一大堆. 不過數得嚟又讚佢叻仔 [!!]. 不過衰在樣樣都去得太盡. 咁我都知佢叻. 一間公司嘅現金就咁俾佢袋哂. 一蚊都唔獎勵吓員工 [無bonus呀!!!!! 極氣忿呀!!]. 唔叻就有鬼啦. 可憐我今年嘅稅要食自己. 真係聞者傷心, 聽者流淚. 不過, 得罪中國政府, 應該都無乜運行.

>>>>>>>>

我座大廈住咗三個靚女. 差不多每星期五或六既零晨十二點至一點, 佢地到會著兼打扮到好好好靚一齊出去!!!! 嘩, 佢地唔單只個樣非常ok, 身材非常好, 仲要係長腿姐姐黎喎!!! 個個都有起碼五呎十一囉. 每次到係著短褲仔或短裙仔. 佢地應該係韓國或者日本人. 我好想好想認識佢地呀!!!! 個人唔靚識番啲靚人會開心啲. 我最鍾意望靚野㗎勒! 不過我生得咁矮, 可能佢地根本望唔到我. [灰爆!!!] 唔知呢三位美女通常去邊到蒲多呢??

好開心!

好開心. 勁開心.

好好睇. 勁開心.

好攪笑. 勁開心.

總之就好好睇啦!!

所以就好開心啦!!

不枉我徙$630去睇醫生囉特效藥.

坐係第八行會令人好喪. 我已經無嗌過. 但係要起身左跳右跳都幾辛苦. 又要搖/打棒棒. 都好忙吓. 三個鐘就係好興奮既情況下過咗. 好耐未試過咁開心. 多謝晒.

嘩! 你話如果真係有陳奕迅演唱會飛我真係會開心到死囉!!!!!

big FOUR

病咗足足四日都未好. 今日最終都係要去養和睇急症. 藥丸一籮. 價錢仲非常嚇人囉. $630喎!!!!! 唉, 好彩公司有得claim. 如果唔係打死都唔睇!!

今日去養和睇醫生皆因我今晚一定要去到睇big 4演唱會!!!! yeh yeh yeh!!! 為咗個演唱會, 一定要啲特效藥. 養和就實無死勒! 食咗藥後, 由行唔到路變成健步如飛. 超強!

我等咗呢個演唱會好耐啦~ 希望睇完後唔會變番喪屍. 我以經喪咗三日啦, 好悶呀!!!

冒死篇

冒死既我....要係自己還有氣力時寫blog. [搵命搏!!!]

今朝, 應該發燒發到100F掛 [我諗..因為完全起唔到身. 只可以昏昏沉沉咁訓] 用咗全身有既氣力係1:30pm起身, 坐咗係梳化度差唔多45分鐘先再有力去廚房斟水飲. 再用30分鍾先有力去食藥. 咁樣就曬咗成個下晝. 食完葯其實已經好咗好多. 只不過唔可以做太耐嘢. 所以我依家完全係搵命搏!

當我好似條咸魚咁訓係到時, 我想起曾幾何時當我又係病到起唔到身時, 總會有人係我附近幫我. 現在只可以靠自己. 正當我好沮喪時, 就有朋友出現.

真.的.衷.心.感.謝

維他奶七十周年

多謝主小姐既介紹, 今日去7-11買咗...

維他奶70周年出咗得意紙盒維他奶!! 有好多款! 係7-11買兩盒375ml加$2就可以換...

可愛維他奶磁石一個~

咁攪法, 要飲好多維他奶. 但係我唔飲維他奶㗎!!! 點算?!

我會繼續去唔同7-11搜羅唔同既紙盒維他奶....

好似好折墯喎....

超低抵抗力

我唔明白, 點解我爸媽生得我抵抗力咁低呢? 低到我覺得我無可能生存到囉! 由細到大, 我身體都唔係咁強壯, 不過都唔會個個月病囉.

踏入二O一O, 只不過係兩個幾月, 我已經請咗五 - 六日病假. 睇咗三次醫生, 發燒, 感冒, 傷風, 胃痛, 腸胃炎, 嘔...真係講得出我都有. 好惡攪囉. 我老闆就嚟頂我唔順 [我諗]. 點算呀!!!!!! 唉....

今日,  再一次幫襯卓健. 再一次感冒. 咳到個肺都想飛出嚟. 之前飲咗卓健醫生開嘅咳藥水, 超眼訓. 所以同醫生講 : "可唔可以要隻唔眼訓嘅咳藥水呀?" 醫生望一望我, 根住話 : "你上次嗰隻唔眼訓喎." @@ 原來只不過係我無時無刻都眼訓.....lor咗

朋友都勸我去睇中醫. 但每當我諗起要自己俾錢同埋通常要睇好多次, 我就唔想去. 好窮呀!!!!! 唯有日日食蘋果啦, 醫生可以遠離我.

無聊對話

今朝與無聊人對話:

我 : 係機場等咁耐好悶喎
無聊人 : 咁你有 xx [我個朋友] 陪你嗎. 你可以mit佢嚟娛樂自己呀
我 : 咁如果佢mit我先咁點算? 我會悶死喎!!!
無聊人 : 都話你有 xx 陪你囉. 你咁講即係話 xx 悶姐!!? 我告你!!
我 : 吓? 無啦啦做咩事告我? 我係無辜喎!!! 我係清白, 我係mushroom!!
無聊人 : 咩叫mushroom? 唔係好明. 拎證據嚟! 係portabello定shiitake?
我 : mushroom = 蘑菇 = 無辜
.
.
.
.

呢場對話係沒完沒了....兩個廢噏嘅人....無窮嘅功力....早上一個鐘就咁白白消失咗. 我幾偉大呀, 番到公司咩都唔做, 淨係同佢廢噏, 我hourly rate好貴喲!!!!

傻貓生日會

吃了三小時的晚飯. 好利害!! 很久沒試過不知不覺地吃三小時飯. 輕鬆愉快的一個晚上. 食物還可以. 不過不失的日本壽司. 跟板前板將差不多. 天南地北什麼都談, 上至工作, 下至寵物, 無所不談! 時間完全唔見洗. 好! 下次再食過!

說起寵物, 每當想起牠會比自己早離開世界, 諗起都想喊. 但我想這是我決定領養牠那一刻所要承受及面對的事實. 今年是傻貓的九歲生日. 無錯, 已經九年啦!!! 還記得第一次見牠的時候, 牠那八到無人有, 細膽無吉士, 巴咋既性格, 深深咁吸引咗兼坤咗我落搭領養佢. 破壞咗我無數既衫, 杯碟, 洗碗海綿, 紮頭髮既橡筋.....同埋錢 [個list太長啦!!!!] 但咁多年來, 佢對我都係不離不棄. 有段時間牠與我爸媽同住, 每次我回家食飯, 牠都會黐住我 [好sweet㗎!] 所以我每年都會同佢開生日會!! 嚇到佢傻咗 [仲唔咩仇都報晒!! 嘿嘿] 每年都係我地食食食同玩玩玩, 佢就柄埋一二邊閤實我地既一舉一動. 務求我地唔會搵佢笨. [都唔蠢得晒喎] 我會繼續生日會派對傳統...直至牠離我而去[可能係我離佢而去先喎!!!?]

每年七月七日. [點解? 因為係中國七七盧溝橋事變囉! 唔係唔知呀嗎?]

離別

前兩天與即將離開既同事食午飯, 說起公司的種種. 說起比較年輕既同事上班時的衣著. 有位女孩子有日穿了很爆的衣服!!! 還記得當我由pantry斟完水步行回位時, 看見她身上是一件跌膊衫 [!!!] 露出右邊雪白嘅膊頭. [無錯, 記得好清楚呀吓] 咁都不得止, 最驚嚇既係.....她的膊頭上, 是沒有bra帶的!!!! [可能著了無bra帶呢?! 當時完全無咁諗.] 我想我驚嚇的樣子俾佢發現咗, 所以佢好快就著番件褸勒. 可憐其他同事睇唔到潻!!

我會好掛住你林同事. 希望你新工順順利利!

敗犬

我已經徹底咁俾我隻貓打敗! [成為敗犬!!]

一張床上, 我得一個頭, 所以我訓一個枕頭. 好正常呀. 我買張咁大嘅床, 都係想大家有覺好訓姐. 咁多位你唔訓, 係都要同我爭我唯一一個枕頭. 肥斯大隻! 霸哂我個好貴嘅枕頭!!!! 想點先??!! 我整晚都好似個白痴仔咁個頭訓係肥貓個pat pat隔離!!! 離哂譜! 攪到我無覺好訓.....

ARGHHH...

好眼訓呀!!!!!!!!!!!!!!!!!!!!!!!!!!!!!!!死貓呀!

好安樂

成個人好安樂. 係超級安樂. 又安樂, 銀包又輕囉. 咩事咁大不了唧. 大不了今個月唔買嘢囉.

經過五小時零三分鐘, 冒住會坐扁pat pat既危險, 朝早晨早流流十點起身緊住出發去salon. [真係做第二啲嘢從來都唔會咁積極囉] 要同兩年多既曲髮講byebye.

welcome back straighty!! 即刻年輕三四年!!! [沾沾自喜中]

當年為了改變, 在毫無預備下衝入salon將自己由直髮變成曲髮. 是一時衝動.

今天, 在充足的預備下再次加入直髮行列. 才發覺, 直髮曲髮....都一樣喜歡.

只要我還是我....我都喜歡!

超得水壺

兩個星期前, 公司出了內部通訊, 大至上係話每個員工都會獲得一個免費的水壺. 可以行山, 做運動時用, 順便同公司宣傳. 讀完上半節時, 心諗, 有無咁著數呀?! 因蔽公司既staff offer都係搵笨實居多, 又點會無端端有免費著數嘢呀.

緊住, scroll落去睇, 見到...

 

即時反應係核突到無人有喎!!

幾日後, 當我見到呢件核突嘢係我in tray, 好有衝動丟咗佢. 費時佢獻世. 且不論外型, 用既料係好差. 差到打開個蓋會聞到臭膠味. 點樣飲水呀? 飲完分分鐘中毒身亡囉! 裝水去淋花都嫌佢臭啦. 可能會整死埋盆花. 設計又係奇差囉. 唔好拎, 顏色超核突, 字體唔靚, 水壺形狀好騎呢. 真係唔點中既唔點. 

但勇敢的我緊係無吉士丟佢啦. 不過已經俾我永久打入冷宮. 唔好俾我見到你!

滅.是.靚.尼.日.是.

總是提不起勁. 點解呢? 感覺就像身體裡千千萬萬個細胞都心情低落. 即係千千萬萬既心情低落一齊喎!! 幾灰!!! 有時, 完全說不出原因. 就是屈屈寡歡. 令人好沮喪. 因無原因地心情低落時, 無論做什麼都彌補不到, 個人超燥. 好想搵人出氣囉!!!! 激死人呀!!!!

>>>>>>>

發覺原來公司都唔少怨氣㗎喎. 頓然覺得自己並不孤單. 有好多朋友仔. 一齊努力吧. 雖前景不樂觀, let's hope for the best.

今日老闆開心指數係 -10,000. 好大壓力. 最勁係我依然去下午茶!!! 好叻呀!!!!!!! 好犯賤地又好驚咁偷偷摸摸咁蛇落樓. 緊住30分鐘後 [無錯, 仲夠膽死去咁耐喎], 好驚咁扮邊到都無去兼無事發生咁既樣坐番係位. 過程完全唔馬虎. 做得好有heart㗎.

>>>>>>

年少時, 我爸常常罵我媽. 是那種一發不可收拾的情況. 試過動手打我媽. 那時我會躲在被兜裏, 一邊喊一邊希望我在發夢我在發夢我在發夢我在發夢.... 這是我嚴重童年陰影. 所以, 我極怕甚至恐懼聽到或見到別人吵罵. 我只會想即時離開. 係即!時!離!開! 有什麼值得吵鬧嗎? 罵一兩句, 我尚可接受.  繼續下去有意思嗎?

不.明.白.

白痴的我

極度不信邪的我, 認為自己個胃已完全康復且無歒, 昨晚食了chilli和jalapenos. 結果肚痛肚痾了一晚. [簡直係無嘢搵嘢嚟攪!!!] 點解要食chilli和jalapenos呢? menu上有千萬種選擇, 差不多只有我點嘅係辣嘅. 何苦呢!!!? 差不多無訓過覺, 眼訓到癲狂咗.

好眼訓好眼訓好眼訓好眼訓.....

>>>>>>>

有些朋友, 唔知何解, 好鍾意最後一刻去約會我. 通常, 我會異常高興, 因為有人約喎. 驚喜萬分啦! 但有時當然會唔得閒, 所以不能應約. 有位朋友如是者, 每次都最後一刻打電話嚟約我 [完全feel到係揾我攝時間], 而我真係咁啱次次都唔得 [我唔想的!!!!] 根住佢就開始有怨言啦...

友 : [高8度 ] 吓!!!你又唔得閒呀!? [大佬呀, 可唔可以早少少約我呢?]

當對方咁講時, 我腦內每一個細胞都好有衝動串佢!!! 但善良的我 [??] 最終都無. 所有字吞哂落肚. 這個程序會重複幾百次. [!!!] 真係好想打人囉!!! 咩事先!! 但我仲會同佢出街喎. 真係unbelievable!!! 不情不願的去...[點解要咁呢...一萬個唔明白]

我是...白痴...的!

pelican

今日peach味snapple話你知:

Real Fact #686:
A pelican can hold more food in its beak than its belly

Pelican 係點樣嘅呢?

個口大到可以吞下一隻熊熊. 利害利害!!

>>>>>>>

Thought of the day:

自信心爆棚同自大冇信心有好大分別, 前者一般不具攻擊性, 因為有自信的人自信心不是靠踩低人得來.

好!! 思想中....

雜念

早餐....還是麵包...有點想嘔的感覺...

今早老闆心情不佳, 不論行埋哩戓傳E貓的無一幸免. 好可憐呀. 但可憐我坐在老闆側邊, 聽盡所有冷言冷語, 仲要當聽唔到. 然後要沖當老闆的聆聽者, 俾佢舒發內心的怨恨, 仲要不時俾有建設性嘅反應. (我啲打工錢認真唔易袋!!!) 想起一枱都係工作, 樣樣死線都逼近眼眉時, 真係好想即刻訓覺. 請祝願我午飯過後的會議可以平安渡過.

v______________________________v

雜念

我變了麵包人. 早餐跟晚餐都吃麵包. 好悶.

買麵包時, 想起麵包超人. 由細到大, 我都認為麵包超人是套恐怖片!! 他的頭可以摘下來喎!! 仲可以食, 食完仲可以焗個新㗎喎!! 只有異形先會人地肚餓時搣自己個頭俾人食. 麵包超人的爸爸好勇敢哦! 日日都焗個頭俾個仔. 真係辛苦晒.

>>>>>>

近來公司悶到一個地步連我偉大能幹既老板都頂唔順. 知道這是何等嚴重嗎? 我老板係一個異常勤奮且要求非常高既女強人. 所以稍一不慎都會除時中彈身亡. (我還在世真係好采呀!) 近來老板將可以在網上早/睇既嘢, 全都做過晒. (唔好問我點知!) 緊住仲要悶到喊喎. (真係登佢慘) 又無同事敢同我老板打牙佼, 我係全office唯一一個 (份工好難撈㗎!!) 所以話老板真係唔易做. 我都係繼續做小薯仔吧.

>>>>>>

想想看, 我啲朋友們真係好diverse, 好有趣. 類型有:

1. 好傾型
乜都傾, 但唔會非常詳盡. 通常點到即止. 能夠舒發到內心既屈悶但又唔需要深入研究.

2. 精儆型
句句都好精儆. 一矢中的. 通常係我有難題時既明燈.

3. 談心型
能談心至通宵達旦. 深入研究所有問題既問題既問題. 務求要睇真啲!!

4. 無聊廢噏型
有本事用佢無聊廢噏既本領令本小姐係地獄既心情即時提升至天堂水平 (厲害厲害)

真的感謝我所有朋友!!

工作悶時...

與同事食午飯, 說起美國時的生活, 是何等美好. 自由自在的生活. 我開心有著這些美好的回憶. 人若沒有快樂的回憶, 是多麼悲哀. 朋友常常懷念過去, 想著想著就悲哀起來. 何必悲哀呢. 沒有快樂回憶的人才需要悲哀吧. 要努力呀! 去追尋更多的快樂, 將它們變成快樂回憶, 這不是更美好嗎?

>>>>>>

好久沒喝snapple. 記得以前好喜歡喝, 但回來後極少, 因為太貴啦!! 好唔值. 今日買麵包時看見只須$7!! 即刻買. (平時要$12的!!) 檸檬味snapple蓋下的real fact:

Real Fact #798: Tennessee was previously named Franklin after Benjamin Franklin

好, 又上了歷史堂.

好懷念青蘋果snapple.

Deep Fried 3 Babies?!

星期一嚟到六點已經無心情做嘢, 何況老闆唔係到. 剛才與孫同事去食街邊串串. 係, 5點鐘大搖大擺去食街邊嘢. 食到滿足地飽. 在等待7點的來臨. 即閃!!

話說回到公司時, 孫同事傳E貓問我:

孫 : forget to ask u.... are the deep fried 3-babies ok? [究竟想點呀哩位同事??]
我 : 好一個deep fried 3-babies呀吓!!! 睇完都令人髮指!!!
孫 : 髮指等唔等於thumbs up?
我 : 絕對唔等於. 髮指等於 (a) 想爆粗 or (b) 想打你鑊金
孫 : 乜你咁暴力? 正如周星星話: "我又何嘗唔係想打你鑊金呀"

請問我邊樹有得罪你呢? 使唔使咁對我先!!
將會是口乾的一晚. 努力!

遲睡. 早起.

今日朝早勁早起身 (早嘅定義係8點, 死未!!), 9時30分已回到公司. 知道這破了記錄嗎? 在過去幾個月褢, 我經常10時才回到公司 (咁都講得出口, 完全無懼俾人打!!!) 最最最勁在我坐在老闆側邊, 並要經過所有同事的位子才回到自己的位子. 既是話, 全世界都會知道我幾點番工. (我好有"吉士"呀) 但今日我早咗番工都係無用, 皆因我老闆sick leave!! (唉, 我早到嘅quota就係咁浪費咗)

超有活力嘅星期一!!!

廚神

今日廚神上身:

 

菜名: 黑椒牛仔骨露筍炒意粉

煮意粉最煩既地方係我永遠都唔知煮幾多. 究竟落幾多先夠呢?? 每次都煮太多, 食到嘔 @.@ 遲早有日食到暴弊!

晚餐前, 終於"的"起心肝睇the notebook這部電影. 都算係悲情戲 (又未至於慘絕人環), 最終都係喊到滿面鼻涕兼眼淚. 睇完後, 心情低落 (好犯賤呀!! 何苦呢哩位施主...) 會遇到嗎? 會的話, 是何等幸福! 

提一提我最愛用的杯:

 

隻杯係孫同事送的. 超級超級喜歡㗎!!!! 話說麥D有得換時我又賴賴閒,去換時已經無得換 (當時10000個傷心). 有日見到孫同事有喎!!!! 即刻撲埋去問佢可唔可以送俾我 (超級厚面皮呀吓). 佢當時無話俾我, 之後我都唔記得咗. 係搬office嗰日, 佢送俾我!!! (好明顯隻杯一路都係office, 臨走時唔想領住隻杯周圍走囉, 所以先俾我) 不過我都係超級開心!!! yeh!! 需則要知道, 我屋企既杯, 多到二十人先用得晒. 即是話, 倫住用都要二十日先可以用呢隻杯一次喎! 但係我日日到用佢喎, 可想而知我有幾鍾意佢!!! yeh yeh yeh~

無聊星期日

懶懶的我今日無返崇拜. 皆因起來時已是黃朝百晏. 仲要miss咗露小姐既電話 (唔好意思呀 ><) 又要妳孤獨一人添.....

與友人談及香港人在街上聽音樂往往將音量調至最大. 大到係地鐵咁嘈既環境隔幾個位都聽到佢聽緊咩歌. 太顛啦掛. 不過話是話, 我每日有兩個鐘都係啲顛人一族. 相信我會在四十歲時失去聽覺 (好閉翳!!!!!) 然後友人介紹兼勸我用noise cancelling headphones. 我一聽個名即時想到"滅聲器"?! headphone滅聲器? 滅晒聲仲聽到啲咩哩?? 原來係會減少週圍環境既嘈音 (哦!!), 繼而令你唔需要開到全條街都聽到你聽緊乜既聲量. 好偉大既發明啊!!! 不過盛惠過千銀 (使唔使咁貴先...) 用幾千銀換回一雙耳, 應該都算平吧. 認真考慮中...

今朝起來吃了碗cereal. 剛才超肚餓, 於是下廚煮了:

係日本蕎麥麵加泰國露筍...附上冷麵醬油一碗 (我好講究㗎) 無錯, 好齋喎!

今晚食乜好?

性格篇

我本是屬於有性格之人. 近這兩年, 越來越有性格.

> 性格一:
不喜歡人問 : "你好嗎". 我總覺得這個問題無乜heart. 當聽到這問題, 應該怎回答呢? 答好又怎樣? 如真的不好, 會真的有心情答不好嗎? 能不能be more specific呢? 例如 "你呢排做嘢好忙呀?", "有事情令你唔開心呀?", "你呢排得閒通常會做咩呀?" 看!!! 這些問題幾有heart! (小西, 你死緊啦!)

> 性格二:
越來越不喜歡說話.自從被人嚴重打擊後, 雖已回復正常, 但不再喜歡說話. (我本是超級口水王哩㗎嗎!!!) 所以俾人錯覺我好cool. 而且講嘢開始無尾音!!

> 性格三:
.....想不起來.....

簡單啲講, 即係臭脾氣. (好灰暗呀...唉...我可以做無性格的人嗎?)

信任No.1

剛看蘋果, 總括香港人最信任既人第一位係蕭芳芳. 唔好問我點解. 在我觀點裡, 對社會有貢獻唔代表我會好信任他. 我媽媽對社會好有貢獻嗎? 說實在, 我唔覺得. 但她是我世上最信任既人之一 [她會高興到訓唔著嗎???] 我唔會寫信或E貓俾蕭芳芳囉. 更加唔會講秘密俾佢知囉. 就係咁啦.

令我好奇是消防員是香港人最信任既職業. 點解呢? 因為佢好英咁沖入火場? 這是職責所須吧? 應該唔會有消防員唔肯入火場救火吧? 警察不能成為香港人最信任既職業應該與近期既醜聞有關吧! 警察們都好英呀!! 會開槍喎! 追賊追九條街喎!! [我又知??] 又識武功!! [勁呀!!]

我曾認識一位消防員, 樣貌非常標青 [真係唔差㗎!!] 身為消防員當然有相當高度 [雖然我未睇過, 不過我深深相信佢有at least六件腹肌!!] 在朋友既一個喪飲生日party認識的. 說說這party, 因我這朋友所處既行業, 她身邊盡是非富則貴既有錢朋友 [即係嗰啲自以為自己好勁好有料, 你見到佢會好想打爆佢個頭嗰廷人] 好喇, 說回消防員哥哥. 他應該是朋友既朋友既朋友. 認識他時, 你勢估唔到佢會講以下對白:

消 : [開場白] 你啲朋友好似全部好有米喎. 我每個月搵二萬蚊咋.
我 & 朋友 : [呆咗3秒, 完全唔識反應]......咁你係做咩職業呢?

我連佢叫乜名都未知就知佢每月收入啦!! 好利害呀!! 呢個哥哥咩事哩? 好自卑嗎? 抑或佢好想人去同情佢免佢入場費呢? 然後他說他有輔業的 [!!! 消防員去秘撈???] 他在各大名店 [即係prada呀, gucci呀, louis vuitton呀 etc etc]做"食朝" [係高級食朝喎!!!!!!!!!] 哇!! 我當堂醒晒 [因我已經四成醉]. 不停問佢如果有賊會點[係咪打999], 會唔會追賊, 做高級食朝賺幾多錢等等 [嘿嘿嘿, 第一次識人已經知道晒人地所有收入!!]

皆因我有以上經歷, 消防員在我心目中留下一個奇異的印象.

無聊星期五

每天坐巴士回家都會坐在同一個位置, 望著同一樣的街道. 不同的人, 不同的事物. 戓一樣的人, 不同的對話. 我喜歡坐相反方向的那個位置, 可清楚望見各人的表情. 凝望著不少人在街頭上跑呀跑...為的就是想搭我坐著的巴士. 見到此情此境, 總會有點沾沾自喜 [ok, 好似有啲賤!!!] 有時會趕不上, 滿臉失望戓想爆粗的樣子. 趕上了, 就會氣來氣喘的坐下. 嗯, 人生百態, 有趣! [完全唔知自己想講咩]

>>>>>>>>>

食午飯時, 同事說起部門裏人人聞風喪膽的admin女人. 這女人利害之處在於說話技巧了得. 不外乎:

唔關我事喎
我唔知喎
唔係我負責喎
無喎

當佢講以上對話時, 完全無任何考慮空間. 用0.1秒就說出以上對白. 凡是這女人碰過的工作, 都要自己重新看/做一遍. 這不是比死更難受嗎? 更利害是這女人在本公司打了差不多二十年工 [點攪呀???] 生存之道是何其重要!!!! 我認真要向佢學習 [囉!!] 向好處想, 這女人是底線, 以後生命裏的任何admin到會令你非常滿意. 這是何等美麗~~~~

默哀矣

今朝同S聊天, 談及我們的一位好友. 不約而同地非常懷念以前的他. 以前的他廢得嚟又好攪笑, 攪笑得嚟又好無聊, 但無聊得嚟又好識點關心人. 有時他平平一句說話會令我頓然醒覺. 容易昔懷. 這樣的朋友, 說實在, 我不多. 所以懷念. 現在的他比以前踏實許多, 廢話少了很多但依然關心我 [佢得閒時, 仲要係我問佢先會關心我㗎喎, 呢個咩世界?] 為咗表示我與S對佢既重視, 我地為咗佢既old self默哀咗3秒 [無錯!! 係3秒唧!! 已經覺得俾多佢]

>>>>>>

為了五月旅行覺得煩惱. 點好點好點好點好呢???? 我係唔死都唔流眼淚既人 [同去旅行有關係嗎?] 所以....遲啲先算! yeh!!

>>>>>>

頭先食得太飽...有啲想嘔. 潮州嘢萬歲!!

喜歡。不喜歡

我不喜歡別人叫我的中文名字. 總是覺得毛骨悚然. 這世上, 只有我婆婆和嫲嫲叫我的中文名字我才會覺得順耳 [不知何解?!] 就好像女朋友總喜歡叫男朋友做 豬豬 或 傻豬豬 [!!] 或 bb或 甜心 [實不相暪...我都有咁做過!! ] 旁人聽起來, 有點想死或嘔或毛骨悚然的感覺. 這就是我聽到我的中文名字時所產生的心/生理反應！！！

>>>>>>

老在想, 我不喜歡什麼呢?

不喜歡...當好專注做嘢時, 突然出面有人係到吹di da. pk 呀! 仲要吹兩個鐘呀痴線! [完全唔能夠理解上環係個咩鬼地方]
不喜歡...自己好忙時其他同事好得閒咁打機或吹水 [擺到明唔抵得]
不喜歡...問朋友吃什麼時, 說沒所謂但ban哂你所有提議 [係咪玩嘢先?]
不喜歡...無情白事係鬧鐘響前一分鐘醒咗 [通常會怒訓多兩個鐘, 攪到遲到]

然後想想. 我喜歡什麼呢?

喜歡...諗 / 講 / 做 低能白痴嘢 [我啲朋友會唔會嫌棄我呢終有一日?]
喜歡...自閉式睇書 [唔訓覺喺咁睇!]
喜歡...到咖啡店呆坐半日 [分分鐘會係starbucks/pacific coffee見到我!]
喜歡...同我家傻貓打架 [結果每次都係我輸 @.@]
喜歡...自己獨個兒睇啲慘絕人環 [?] 嘅愛情片 [唔敢找朋友一齊看, 驚我啲眼淚鼻涕嚇親人]

非常好警

實在唔寫唔得. 亞視正在播一套舊到媽媽都唔認得既電視劇叫 "非常好警". 凈係個名已經好想死. 非常好境? 有幾好境呀? 話說有個警察中咗槍 [好老土既劇情全部唔講]. 個警察係醫院醒番第一樣講既嘢係:

我今次大難不死令我諗通好多嘢 [吓? 啱啱醒番水都未得閑飲一啖就已經諗通咁多嘢???!!]
我以後會對你好好 [佢對住佢女朋友講既]
同埋我會去買六合彩, 人地話大難不死必有後福呀嗎 [哇!! 如果我係佢女朋友, 我會一槍打爆佢個頭囉. 好低能呀!!! 使唔使咁爛賭呀? 趕住發達呀? 好等錢使呀? 真係睇到火都嚟!!!]

好!! 講完!!!

我的志願

今日繼續懶散既工作態度, 不停同人msn/gchat. 究竟我幾時先會勤奮啲呢? 令我諗起小西成日都問: "你有無諗過你既將來呀?" 無呀!!! 大佬我無諗過呀!! 點算呀? 我仲有無將來呀? 不過見到公司咁既環境都有heart做嘢既話, 都應該好勁囉!

我的志願非常微少 [微乎奇微㗎]....就係做秘書喇!! 唔知咩解究, 我常常幻想自己會係一表人材, 大好青年, 風度翩翩老板既秘書. 緊住就幫佢book機票[一定要搭飛機?], book酒店, book檯食飯, [點解淨係book嘢呢?] 得閒就同其他秘書打牙詨. 或者幫老板沖咖啡. 打吓字, 傾吓電話. 我既一生就係咁樣虛度咗!!

以前有好多宏願, 不過全部都唔記得喇! [好不濟 v___v] 今日我既首選依然係秘書. 如果你符合以上條件[即係一表人材, 大好青年, 風度翩翩]又想請秘書, 請唔該打俾我!!!

>>>>>

原來, 對一個人好是很累人的. 由其是當人唔領情時. 也許我需要省省我的力氣. [即係收皮呀!!]

利利是是

今朝番到公司見到有internal mail. 超級開心. 早前無恥嘅我打電話俾 QB office嘅同事拜年:

我 : 新年快樂!!!
M&M : 新年快樂!!! 祝你身體健康, 愈來愈靚!!
我 : 哦呵呵呵呵 [心花怒放中]
我 : 好慘呀! 搬咗嚟上環, 少咗好多利是呀. 不如你internal mail啲利是俾我呀!! [好無恥呀!咁都問得出]
M&M : 無問題呀!!! [@.@ 好豪爽呀!]
我 : 好嘢!! 不如俾埋Mandy呀? [繼續得寸進尺!Mandy係我同team另一個同事]
M&M : 無問題呀!
我 : !!!! [本來想繼續問其他人去internal mail利是, 不過唔想俾人小...所以放棄咗]



M&M 果然不同一般人! 試問有邊個會internal mail利是?? 在這冷漠的大機構裏, 幸好還有一點溫情.

惡.攪.

懶係勁咁, 我今日做咗:

1. check咗4x封E貓
2. 回咗5封E貓
3. 打咗4個電話
4. 釣咗無數咁多次魚

無喇!!!

一直對我愛護有加既才(財?)哥, 臨走時過理問候我一番:

才: 你個樣真係又殘又病喎!
我: =______= [使唔使咁到point!!!完全唔知講乜好]
才: 做乜返黎呀. 唔係屋企抖吓? 好多嘢趕呀?[緊住俾佢瞄到我個mon係browse緊網頁]
才: 哦....就係為咗呢啲呀!!! 明晒!!!
我: [即刻要搵窿囉].......

***********************************************

乘巴士回家時, ipod播的是Aidan Hawkin的Shut Me Out. 好輕鬆的調子但歌詞是陣陣悲哀. 好佩服填詞人可以寫這樣哀怨但又好像什麼事都無發生一樣的歌詞.

If I could start all over with you again,
I'd change the way the story ends.
I'd try my best to help you along,
If ever there's anything wrong,
But I know you gotta be moving on.

Baby it's gonna be fine if you have to go
And I always wish you well you know,
It's time for you to do everything,
you always wanted to do.
So, I'll see you when you make it through

I couldn't do anything right;
I couldn't do anything right,
I was so far away and you shut me outside.
Shut me outside, Shut me outside.

God I wish I was sleeping with you tonight,
We could listen to the rain outside,
I'd tell you a story, sing you a song, promise you nothing is wrong,
But I know you gotta be moving on.

I couldn't do anything right;
I couldn't do anything right,
I was so far away and you shut me outside.

It's time for you to do everything,
you always wanted to do.
So, I'll see you when you make it through
Yeah, I'll see you when you make it through

今晚能有好睡眠嗎?

***********************************************

好肚餓...點攪!?

病。病。病

我開始覺得個醫生俾我啲藥係有問題嘅. 愈食愈病. 咩事先?? 得番半條人命都去番工. 突然覺得好偉大!!! 我係何其偉大.....[極度沈醉]....

好! 做嘢!

好文采.

我鄰居的大門:

失.落.

始終都逃離唔到食粥既命運, 不過點解海皇粥店既粥咁咸!!!? 咸死咗 @@

醫生開既眼訓藥唔係少少眼訓, 係超級眼訓囉!!! 由3點開始眼訓到依家. 係公司訓著咗起碼一個鐘! 西飛利!! [我係sleeping monster, 點解我仲未俾人炒既??]

**********************************

我能夠超級失落時全心讚美神嗎? 現.在.的.我.不.能.
好! 要努力!!!!

神奇貓、神奇醫生

今朝, 當我仲係床上din嚟din去嘅時候, 突然"砰"一聲. 我0.1秒坐起身, 見我家傻貓懶係innocent咁嘅款企係床側邊, 就知道係佢由床碌落地. 扮哂嘢!!

我 : [好惡]你攪咩呀?
傻貓 : [完全未訓醒]......miu.....(無尾音的)

*******************************************
lunch time 去睇醫生...再次confirm我係傷風!!

男醫生 : 平時訓幾多個鐘?
我 : 5 - 6 個鐘
男醫生 : [好驚訝] 訓咁少?
我 : ehh...係呀...[無言以對]...不嬲都係咁....
男醫生 : 訓咁少唔得, 要訓多啲 [好似男朋友仔咁款]
我 : 哦哦哦!!
。
。
。
男醫生 : 啲藥會有少少眼訓
我 : 吓, 會眼訓??
男醫生 : 咁你使唔使數錢?
我 : 吓, 數錢? 唔使數錢呀. 做咩要數錢?
男醫生 : 唔使數錢啲藥眼訓無所謂la
我 : .....[請問有咩關係??].....

總括以言, 佢都係一個好醫生!! 我會繼續幫櫬佢.

回憶

剛剛用極速睇晒fb有自己既相. 很開心. 一路睇仲一路笑埋出嚟添喎. 縱使朋友仔唔再好似以前一齊去玩, 但我總算同唔同人威過呀!! 同不少朋友仔去過旅行 (亞美利勤, 日本, 泰國, 澳洲, 加拿大), 去outing (我地會十幾友去hiking緊住大家發誓以後都唔再hiking! 好爆㗎. 緊住真係好似無再去), 去屋企打邊爐兼打機, 出街打邊爐兼打機, 燒嘢食(講咗十年燒咗一次) etc etc. 全是美好回憶~ so sweet.

真的好愛你們! (give me chills saying that)

我地下次幾時再戰江湖呢? F先生, 請動吓你既腦筋. 你係我地台柱喎!!!

希望可以發個好少少既夢. good night hong kong.

諸事不順

今日崇拜完後同露小姐用9.9秒匆去同B媽飲茶兼拜年. 真係趕到呢...準時計劃都係失敗咗 v___v 遲咗十分鐘.

真係唔明, 點解我啲朋友咁鍾意遲到 (當然多過十分鐘!!)/甩底既呢? 點解呢嘿? 係咪我前世遲到/甩底太多所以今世有報應哩?? 真係十個唔明!

總是覺得已與朋友的距離越來越遠. 是我越行越離群嗎? 有患得患失的感覺. 將所有都歸疚於我既傷風. 一定係!!!!! 當身懷重病時 (傷風係重病?), 總會精神錯亂, 脾氣異常暴燥, 有語言障礙 (!!!!!) etc etc.

明天要好起來. 哼!!! 我要唱歌唱歌唱歌唱歌唱歌....!

西飛利

今日同一班好友食brunch. 朋友E介紹了她未婚夫給我們認識. 很登對的一pair. 我們一慣常態, 總是全場最嘈的一群. 失禮晒!! 我一路食一路覺得唔妥. 最後仲發埋燒! 超級掃興! eeeeee. 唔理. 照玩照發顛. [完全覺得自己係珍擒異獸 邊個會一個星期發兩次燒??? 痴線!!!]

不過最西飛利 (啱啱自創個term) 係我可以一路發燒一路shopping嗰下真係無得頂!! 仲要買咗好多嘢喎@.@

發顛既後果同死無乜分別. 變成喪屍. 我大好既星期六呀 [飲泣中...]

T....不要太傷心, 在禱告中記念妳...

重拾

差一點忘記喜愛是怎樣的感覺! 是那種時時刻刻都好想好想見, 好想好想講嘢俾佢知, 食咗幾多粒飯 幾多條麵都想話佢知. 今日俾邊個片過, 片個邊個都想佢知. 多咗幾條白頭髮, 買咗乜嘢新衫, 全部都想話晒俾佢知. 整日都有著好甜蜜的感覺!

可能...這就是喜愛

但呢個係單方面喜愛.唔代表對方會好願意接收

幸好我有神. 突然覺得好幸福...好幸福...

"...要喜愛耶和華的律法.."

要學會重拾這美好的感覺.

沒有上司的日子

回到公司嘅境況...何其壯觀...

我條team...空無一人!!! 應該去哂食早餐. 攪錯呀, 食早餐唔叫我 ><

直到1030am...好寂寞呀...

凍.好凍

第一次覺得暖氣的重要. 從不覺香港會咁凍. 9C, 9C 喎!!!! 凍到昏唔到覺,無晒心機,做唔到嘢.哇!好似失戀! (啋!啋!啋!)

總希望有好心人仕幫我暖吓個被竇.真係好凍呢.....尤奇是我不嬲無啦啦都會手腳結冰..(好可憐)...

reflection of the day 回顧:
今日毫無建樹 不是生產 (十個bad)

我都有小小內疚(小小咋喎!) 祇盼明天會更好, 呀唔係, 係明天請早 (yes sir!)

繼續我的閱讀計劃: what the dog saw and other adventures. 希望好書可以振奮我啲血液分子!