今日放工去食久遺了既串串. 好嘢!! 但因為腸胃唔好, 爭扎咗好耐究竟食燒賣好定係魚蛋好. *____* 兩樣都係我既至愛. 最後我係忍痛咁選擇咗燒賣. (對唔住呀魚蛋!!! 下次補番數!)
然後係旺角先達隔離間串串檔, 又想食. 但係當然好乖咁忍住 (忍得好辛苦!) 呢間串串檔就勁囉. 諗得出既串串檔小食都會有. 魚蛋燒賣唔晒講, 碗仔翅, 生菜魚肉, 煎釀三寶呢啲不在話下, 仲有我好鍾意食既墨魚丸,牛丸,司華力腸, 炸雞脾, 煎菜肉餃都有喎. 我比較少食既臭豆腐, 牛雜都有. 好勁! 同埋我覺得最勁既係, 買串串要拎飛等喎! 無乜邊間要拎飛㗎. 好有系統同秩序. 人地真係有諗過個logistic. 隔離有得買台式奶茶. 買咗串串買嘢飲會有discount添. 利害利害!
好想食呀!!!!!!! ><
如果所有款都買一個緊住再買台式奶茶, 食完後唔知會唔會可以即刻請sick leave呢?
