無謂嘢

＞過去的周日去了掃墓，一向對掃墓的這種活動都不抱正面印象。不是對過身的人不敬，只是對在世的人去掃墓的態度同目的感到無奈。有許多人對佢哋親人還在世時不算頂瓜瓜，那為何親人過身後，每年掃墓最多兩次就會覺得他們會保佑自己的生意／仔女的學業／一家的健康呢？（變咗有特異功能嗎？）親人在世時又唔見佢哋俾錢佢洗，但年年掃墓就係咁燒元寶金條手機衣物一大堆？每年都總會令我覺得好困惑 @@

＞有時對於食肆嘅價錢定位都抱有唔明白嘅地方。我性格最鍾意搵最抵嘅嘢。前日去大X樂買午餐，因為已經過咗兩點，所以有細碗叉燒飯，連飲品售$21，加菜就$24。我問收銀姐姐可唔可以轉湯米粉，佢話得，但係只需$20！？令我好奇怪，因為湯米粉係有幾條菜架喎，條數點計？又好似去生記買粥咁，單拼細碗$21，單拼大碗$27（好似），雙拼全部$35或以上，加一樣配料$7。只要叫細碗單拼加一個配料（$28）仲要係外賣，個製成品同$35雙拼係無分別的！好，夠啦，好婆媽！

＞個胃同肚已經唔舒服咗兩個星期，食西藥都唔見有好轉 :( 西醫話唔知點解會咁 @@ 可能係心理因素！！！ROARRRRR！再唔掂要轉行睇中醫！>[

日常事

＞人是會變的。對家人的態度會變，對食物的要求會變，對朋友的要求會變，對工作的態度會變。若果人說，我永遠都會這樣愛錫我的家人，或我永遠都會好俾心機工作，或我永遠都會對我的愛人始終如一，或我永遠都唔會食／飲某類東西。都係別說永遠吧啦！苦了自己又苦了別人。世上哪有人能夠保證人間永遠的承諾？係自欺欺人啦！

＞有時真係好佩服香港人嘅腦轉數。驚輻射，所以去搶鹽。但係點解雞粉、豉油同米都要搶呢？哦，啲人話雞粉、豉油同鹽係同類，所以都應該可以抗輻射（聽完後完全打咗個突！）搶米係驚會有飢荒。聽完後嘅感想係，香港人同內地人腦轉數比其他國家嘅人（包括日本）快幾百倍囉！咩都要快過人。勁！今日睇報紙，啲食店（由其日本店）開始搶購輻射探測器。係食客面前測一測啲日本魚生有無輻射。不過最勁係買咗部機番黎唔識用。勁！唔知根住仲會有咩新招數呢？

＞唉，新加坡...究竟有咩好玩呢？

達人san

與朋友談天, 說起達人. 我說我在不同的範疇都是達人級水平呀. (一個字: 勁!) 他不屑地數出我所謂達人級的範疇都不外於.....

> 訓覺達人 - 身邊的朋友和同事, 無一不曉我釣魚的功力. 由其是係公司. 完全係釣魚的能手.

> 煲劇達人 - 好喜歡煲美國劇集. 每星期都要dedicate一天的時間係咁煲煲煲煲煲......

> 遲到達人 - 番工時間 = 十點! 好多人都覺得我份工好筍. 不過呢個世界邊得嚟咁多筍盤. 凡事都有代價的 ! ! !

> 飛的達人 - 以前番太古坊時, 每朝都係飛的番工. 原因係: 唔想由屋企行去巴士站, 又唔想落巴士時行去公司. 因為總共要行25 - 30分鐘! ! ! 咁飛的係咪好合理先! 不過依家番上環, 已經唔飛的啦. 變得好平民, 係巴士一族.

> say yes 達人 - 我是一個不懂說不的人 (好多人都唔覺. 皆因我份人好低調. *o*) 係公司就受到不公平對待囉! 好命苦.....講完 @@

> 硬食達人 - 一個既低調又say yes嘅人, 後果就係經常要硬食. *ROAR*

我朋友又幾了解我喎! ! !

日常事

＞最近, 經常要出言安慰身旁的至愛，有點吃力 （皆因我好博愛！@@"）許多不幸的事情發生在好友身上，替他/她們擔心。但人的力量始終有限。可以做的，就只是給他/她們一點support，借出我的一雙耳去聆聽。在他/她們需要時隨傳隨到。你們要努力呀！

＞前兩三日，是有史以來 （定係我記憶衰退？）係香港感受到北極一樣嘅天氣。應怎樣形容呢？在家，穿著長衫長褲，在兩張被竇內攬住一個超熱水袋，先可以安然地去訓。每朝早起身嚴如十大酷刑的降臨 （！！！），要爭戰45分鐘先可以成功碌入洗手間。用極速沖涼換衫（猶如濟水一樣），仲慘過去勞改。@@

＞一日24小時，除了睡覺7至8小時唔覺凍，其餘的時間完全感覺唔到人間有溫暖。最最最離譜嘅係公司可以凍到好似雪櫃一樣。直頭好想去勞工署去告佢虐待員工呀。（咬牙切齒中）行出室外，我經常會有錯覺，以為自己無著衫褲鞋襪，因為有著嘅話，無可能會咁凍！！！

＞今日去屈臣買漱口水，我對於listerine唔同color嘅漱口水完全唔知有咩分別。正當我在懊惱時，有個sales年輕人行埋呢講：小姐，想買漱口水呀？呢隻好抵買，做緊特價喎，＄15.9咋喎。當時的我覺得有點不可思議，係屈臣買嘢啫，都咁好招呼？我問sales哥哥究竟綠色同藍色漱口水有咩分別，佢嘅答案係：呢兩隻漱口水都“嗱”到飛起 （！）唔該晒！！完全解答到我嘅問題。最後，我係買咗淡味無顏色＄15.9嗰隻。多謝介紹。

＞每日都食好多嘢去令身體發熱 （！），所以按道理，係肥咗好多 ＞＜唉..... 我不愛冬天！！唔該行快兩步！

live chat的威威力

依家啲公司做生意，實在乜嘢gimmick都諗過。以前想quote自由行package嘅價，一係就打電話去旅行社問，一係就親身去旅行社攞資料。近期，可以e貓agent去問價，已經覺得十分方便。但原來現在有啲仲方便嘅方法....

今日，上了專業x運的網址，想看看某地方的自由行價錢。係網頁的一角，看見expert online的icon。我手多多咁去click，就係咁，有位專業人士message我，問我需要乜野旅行資料。@@ 感覺就好似我行入hermes，有sales好親切咁問我：小姐，有咩可以幫到你？而唔係俾白鴿眼我睇！（其實關咩事呢？）總之，成件事令我覺得去qoute價呢個process，頓然無咁苦悶同煩。為了方便，可能以後都會幫襯專業x運！！！live chat的威力真係大！

唔怪得知咁多男人喜歡live chat。明白哂！XD

生命中不能承受的蠢

在澳洲牛奶公司遇見一個好蠢的女人。那女人坐在我旁邊。澳洲牛奶公司是一間餐牌簡單都不能再簡單的食肆。只得快餐或常餐 （無錯，就好似麥兜的故事！）

快餐 （$26) 有牛油包，煎雙蛋，熱鮮奶。
常餐 ($30) 有牛油包，煎雙蛋火腿，叉燒意粉，咖啡或茶。

唔想叫餐，可以散叫。但如果食三文治叫野飲，一定係叫餐平啲。就係咁簡單。坐在我旁邊的女人，想叫常餐，但係又話食唔晒。個哥哥就叫佢食快餐，跟住佢又話想食三文治，個哥哥已經話個餐可以轉三文治。跟住佢又問散叫腿蛋治同熱鮮奶要幾多錢，哥哥話要$31。佢話：“咁散叫咪仲平？” @@ 我當堂呆咗。心諗：點呀，識唔識計數㗎？

最後，攪完一大輪，佢係叫咗腿蛋治同熱鮮奶。盛惠$31元整。

唉！！！點解會有啲咁嘅人架！！！ 我一路食，一路好想問佢：你識唔識計數架！？？

日常怪事

乘巴士回家時，我對面坐著一名男仕。他的外型如下：

＠ 貌似裝修佬
＠ 著住殘舊的polo tee shirt在內，外面著住殘舊的風褸
＠ 腰間有一個殘舊腰包
＠ 手拿著飯盒同拖住一個喼

在途中，他突然從他的腰包內拿出一支 nivea 潤唇膏（識嘢喎！）來搽嘴。（仲要搽得好姿整 @@）我當時應該O咗嘴 :O，因為我認識的男性朋友們打死都唔搽潤唇膏，好像搽潤唇膏係一啲超唔型或有損型像嘅行為，寧原嘴唇爆晒爛晒標晒血先安樂。所以，一個貌似裝修佬嘅男人會做呢個動作，對於我，簡直係世界奇聞！

失覺晒！！！

靈異事件

有時我會覺得發生在自己身上的事情好騎呢.....

經常發現自己的頭髮會自己打結!!!! @@ 唔係一次, 係多次!!!! 凝住屋企有鬼親我訓覺時同我啲頭髮打結. 每次逼不得已都要將打咗結嘅頭髮剪咗去, 因為解唔番.....T____T

其實無咩理由會自己打結喎!!!!

一個字 : 驚!!!!!

咩話?

今日睇義海豪情，學咗新嘢!!

“你咪當我膝頭哥未食過辣椒醬.”

大概嘅意思應該係 “你唔好當我係傻” 咁解. 有無人知點解? 膝頭哥同辣椒醬究竟有咩關係呢?

廣東話真係無得頂! 真係學一世都學唔晒!

天敵

我每天早上的 routine:

step 1: 喪屍般由睡床行去廁所沖涼
step 2: 喪屍般地刷牙, 換衫
step 3: 不願意地清理肥貓嘅沙盆同餵佢食嘢
step 4: 吹頭
step 5: 出門口走人

日復日, 天天如是. 本來相安無事. 但今日, 就係 step 3 嘅時候出事!!!!

當我係廚房幫肥貓倒水時, 我天敵小強突然出現係 counter top 上!!!! 我本能地尖叫. 根住"啤"住佢一分鐘. 最後我諗 : "都係餵咗肥貓先". 餵完佢後, 再同自己講: "吹咗頭先." 到吹完頭, 我好不願意地去廚房同佢對質. 我又拍又打counter top, 佢死都唔出現, 係都係我眾多碗碗碟碟中潛水. 我唔敢攞啲碗碟, 因為我覺得佢會爬落我隻手到. (未見過走得咁快嘅小強!!!!) 擾攘咗十幾分鐘, 我最後決定:

眼不見為乾淨, close the door please.

今晚番去點算????

十年前後

今日看新聞, 見到一個與朋友同名同姓的人 (qxxxxx wxxx). 是某某集團的主席. 然後在google裏搜尋這人的照片. 好嚇人地見到我朋友的陳年舊相. 差不多十年前.

好. 嚇. 人.

十年前的他, 瘦骨精一名. 樣貌天真無邪 (!!!!!), 好像有天大的理想要實現. 今日的他, 肥仔一名, 樣貌窮兇極惡, 現在他的理想是如何在大婚日之前減肥 (!!!) 是一隻待娶小羔羊 XD

相距十年, 有著天淵之別. 沒有好與不好, 只有無限回憶, 及那種 "見一鑊, 打一鑊" 的衝動. 哈哈哈~

ps 有興趣者, 請電郵我, 我會send那張世紀照片給你.

師奶

發覺自己真係變成一個師奶．何解大好星期五放假會係屋企做家務呢？究竟我係咪sort咗？好想去街，但係無地方去喎。點算？

＊篤手指中＊

每日之爛gag

今日同我愛人行街街時, 係賣小食既店停下望望佢地有咩甜筒雪糕. 店鋪姐姐即時行埋嚟問 "要啲咩?" 我深信我愛人係想講 "睇吓先" 或 "諗吓先". 但係佢個口不受控制咁講咗:

"聞吓先" (!!!!!! 原來買甜筒雪糕前要聞??? 可以點聞法? 聞吓夠唔夠凍?)

係佢講咗出口嗰一刻, 我係即刻爆笑, 而佢亦係咁笑. 嚴肅店鋪姐姐好想忍笑, 但係失敗咗.

已經即時澄清唔係玩嘢. 因為我地都係怕死之人, 唔想橫屍街頭.

post birfuday 篇

最近, 好似好忙, 但其實好似無點做過嘢. @@ 時間消逝, 原來係真的!!!

> 這兩星期都不停去吃宵夜, 離200磅距離應該不遠. 好近呀~~~~~~

> 迷上了維他青檸檸檬茶, 俗稱肥仔水. 皆因檸檬茶比可樂仲肥 >< 撞鬼!!!! 五日內飲咗三枝

> 上星期生日當日心情灰過石灰, 但係最美好嘅事情就係可以係生日出iphone!!! 自己送俾自己的禮物!!! yeh!

> 出咗iphone後, 完全沈迷玩coin dozer這個app. 簡直係不能自拔!!! 每日iphone未番到屋企已無哂電. v____v 如果我電話唔通, 應該都係呢個原因. 我要停止!!!

> 現在的我, 變了一個心歸家庭主婦. 每日都要番屋企做家務. @@

要祝自己愈來愈靚!!!! XD

無厘頭篇

最近經常心神晃忽. 一啲好無厘頭既野都會做得出.

1. 有一晚, 唔小心卒咗一隻contact lens跌咗落地下. [呢啲事經常發生係我身上!!!] 我將隻好污糟既con放落個case到, 諗住洗乾凈佢. 但係我好白痴咁開咗水喉 [仲要好大水!!!] 去沖隻con. @@ 好明顯, 隻con係沖咗去大海. -_______-

2. 係公司, 通常去斟水時會順便去洗手間. 咁去pantry斟完水時就會放低隻杯先去洗手間. 但我試過好多次囉賣隻有水既杯入洗手間. 攪到我要去pantry再洗過隻杯再斟水. [洗手間好污糟架!!!]

3. 食飯盒時, 試過好多次掉咗筷子但係攞住筷子個膠袋. =.=

4. 起身時, 經常做一啲令人噴飯嘅事. e.g. 隻腳未落地, 個人已經碌咗落地. 個人明明想去沖涼, 但唔知點解會去坐咗係廁所.

呢啲無厘頭嘅嘢可唔可以減少啲呢? 我本來係一個好醒目嘅人黎ga!!!!

無聊篇

近排實在好得閒, 得閒到無咩事發生, 所以無野好寫.

> 有時係公司得閒到一坐低就訓著 [如果我老闆睇呢個blog就大鑊!]

> 咁得閒時, 理應有電話會好醒神. 但勁賤的我是不能訓覺時俾人嘈醒, 如果唔係會即時有燥狂症. 所以呢排接電話既語氣衰到無人有. 大家都明啦!

> 好想去旅行, 好想離開這環境. 幾日. 凈係幾日就可以.

> 有時會想點解自己會集所有最衰既性格於一身? 我唔窒得唔話得唔串得唔鬧得, 但係又好鍾意窒人話人串人鬧人. 已經好努力好克制, 所以, 如果我唔出聲, 係因為我好努力咁唔窒唔話唔串唔鬧你. 請見諒!!

> 我發現原來我對一個人既容忍每日既quota可能得兩三個. 即是話, 如果做/表現超過兩或三樣我覺得超唔點既野, 我會即時啟動我既爆炸裝置. UN AH! 同埋黑面裝置.

> 再一次宣告......我個人真係超犯賤囉!!!!!!!!!!!!!!!!! 可唔可以俾我死咗去算吧啦!!!!!!!

等.等.等.

人生真係無時無刻都o係到等.

坐車要等, 食飯要等

出街要等人, 去飲要等開席

食完飯去厠所要等, 去超市買嘢俾錢要等

打電話去查詢要等, 過馬路要等

剪頭髮要等, 提款要等

咩都要等....

所以, 唔差在等埋 iPhone 4 啦.

夢

尋晚發了一個奇異的夢 :

我和兩個朋友在一間寄宿學校住. 每晚都要十點半前番到宿舍. [但唔知道番唔到有咩後果....可能會死?] 雖然係咁, 但晚晚依然都要出街!!! 夢境嘅城市好奇怪, 所有大廈都會郁!!!! 即係每晚番宿舍嘅方法同路線都唔同. *____* 完全累到想死同埋好大壓力. 係夢內, 每晚都要諗搭咩車, 要搭幾耐.....結果係晚晚都趕頭趕命, 最慘係每晚當我跑緊嘅時候, 都會pk!!!! 完全想打人. >< 間宿舍好似 harry potter 電影咁, 好多層, 好多樓梯, 好古老.

發完個夢後起身, 個人十萬個累. 好似無訓過一樣. 可唔可以發啲游閒啲嘅夢呢?

靚毛. Find.The.Way.

我最鍾意逼人地讚我. 嘩哈哈哈!!! 我最近期既傑作:

我 : 你叫我做靚 o靚模呀!!
朋 : [完全想死既表情] 你...係...靚...毛...
我 : 咩話????
朋 : 你係....靚靚毛.....

竟然係唔屈服係我既淫威之下!!!! 有吉士呀吓!!!!

**********

放工時在巴士上聽了好耐無聽過既jap pop. 有我以前好喜歡的一首歌...中島美嘉的 Find the Way.....



do u shi te ki mi wa　chi i sa na te de
你為何　用小小的手心
ki zu wo se i o u to su ru no da ro u
背負傷痕是為了什麼？
da re ka no ta me da ke ja na i
不是為了誰　
mi u shi na wa na i de
不要迷失自己
do u shi te bo ku wa　ma yo i na ga ra
為什麼我　一邊迷惘著
ni ge da su ko to de ki na i no da ro u
卻無法逃脫呢？
no zo mu no wa hi ka ri sa su hi wo　hi wo
心願只是　陽光普照的日子 的日子

*FIND THE WAY
ka ga ya ku so ra ni　
在光輝的宇宙　
te wa to do ka na ku te mo
即使手無法觸及
hi bi ku a i da ke ta yo ri ni
只要寄託迴響著的愛
su su n da mi chi no sa ki
在前進的道路彼端　
hi ka ri ga mi tsu ka ru ka ra
一定可以找到光明
YOU'LL FIND THE WAY

ki mi wa i tta　na ga i yu me wo mi ta
你說過　夢見了永遠
to te mo ka na shi i yu me da tta to
雖是個十分悲傷的夢境
so re de mo so no su ga ta wa
即使如此你的身影　
su ko shi mo ku mo ra na i
卻一點也沒有模糊
bo ku wa i tta　na i te i i n da to
我說過　就哭出來吧
zu tto so ba ni i te a ge ru yo
我會永遠在你身旁
ho shi i no wa　da ki a ge ru te wo te wo
我只求　你那雙擁抱我的手　的手

#FIND THE WAY
ko to ba na ku te mo
就算沒有言語　
to bu ha ne wa na ku te mo
沒有飛翔的雙翼
mi da su ka ze ni ma ke nu yo u ni
也要像不輸給狂風般
i ma da re yo ri ha ya ku
若能比誰都快

i ta mi ni ki du ke ta na ra...
發現痛苦的話
ko ta e wo da su ko to ki tto su be te ja na i
說出答案 不一定也完全
a se ra na ku te i i n da yo a na ta mo
別焦急 沒關係 你也一樣

*#

su su n da mi chi no sa ki　
在前進的道路彼端
ta shi ka na hi ka ri wo mi ta
看見確定的光芒
YOU'LL FIND THE WAY

公司之雜念

在公司無聊時的雜念...

> 現在傾盆大雨, 雷雨交更, 我總是覺得我公司會有水災, 或者我會在室內被雷辟死. 可唔可能呢?

> 回顧過去半年因何會病了十萬次同看了五萬次醫生. 今天悟出了道理來!!! 我公司基本上係一個雪櫃, 但係洗手間係一個烘爐. 原因係洗手間無冷氣 (!!!!) 每日在雪櫃與烘爐中徘徊, 我諗病都係好正常 (??) 唉....我呢啲無辜小市民....

> 原來興趣是會受人影響. 時間既薰醄係可以改變一個人㗎 (定只係我係咁飄忽???)

> 人總要有夢想吧?! 沒有夢想沒有希望, 就像沒有靈魂. 已記不起自己上一次有夢想是什麼時候. 當一個人為生活忙忙碌碌, 夢想像是十萬八千里既事情. 以前的夢想好像好白痴好簡單, 但到今時今日都未能實現. 究竟係現在的我白痴啲定係以前立下的夢想白痴啲呢? 我唔想輕易地改變夢想呀. 可唔可以keep住個舊夢想????

> 四方八面既人都同我討論全世界hit爆既iPhone4. 你知我有幾慘嗎? 我從一開始就滿腦子都係iPhone4. 但礙與我收入低微, 小薯仔一名, 邊有錢去買呢啲高檔玩意. 所以, 我日日都同自己洗腦, 同自己講 "我愛nokia!!! 我愛e71!!!" 但身邊既人係咁講iPhone4囉!!!! 我既催眠係完全失敗呀!!!! 我愛生果!! 最愛蘋果!!!!