最近, 我爸媽實在好勁. 勁到我要進行自我檢討.
首先, 我爸媽以前係唔會去戲院睇戲. 因為佢地覺得好徙錢. 屋企有電視睇就夠晒. 但近年, 佢地有時都會失驚無神去睇戲.
上星期二, 佢地去睇nodame 2. 無睇nodame 1架喎. 我已經驚奇到彈起. 但係然後我好鎮定兼囂張咁同佢地講: "我下星期二都會去睇啦!" 好勒, 過去星期二我都睇咗nodame 2. 覺得自己無落後, 個人安落咗.
今日, 我爸傳短訊俾我, 問我佢地睇完戲後一唔一齊食飯. 佢地睇完戲後打俾我:
我: 唔食啦. 我唔得閒呀.
媽: 哦. 咁下次啦.
我: 你地又睇戲. 睇得咁密架. 今次又睇咩呀? (好唔抵得咁既聲)
媽: 我地睇咗色慾都市2 (即係sex and the city 2)
我: 吓??????????????????????
令我太震驚啦. SATC2 喎!!!! 今日先上畫架咋喎!!!! 我都未約我啲朋友睇, 佢地已經睇咗??! 仲要唔等星期二有平飛睇喎?!!!! 咩事先? 緊住我媽媽仲要不停咁話SATC2有幾好睇同埋幾好笑, 又話四個主角好抵死. blah blah blah.
但我內心已經盤算緊我要幾時去睇!!!!
我接受唔到自己咁out囉.
