我唔明白, 點解我爸媽生得我抵抗力咁低呢? 低到我覺得我無可能生存到囉! 由細到大, 我身體都唔係咁強壯, 不過都唔會個個月病囉.
踏入二O一O, 只不過係兩個幾月, 我已經請咗五 - 六日病假. 睇咗三次醫生, 發燒, 感冒, 傷風, 胃痛, 腸胃炎, 嘔...真係講得出我都有. 好惡攪囉. 我老闆就嚟頂我唔順 [我諗]. 點算呀!!!!!! 唉....
今日, 再一次幫襯卓健. 再一次感冒. 咳到個肺都想飛出嚟. 之前飲咗卓健醫生開嘅咳藥水, 超眼訓. 所以同醫生講 : "可唔可以要隻唔眼訓嘅咳藥水呀?" 醫生望一望我, 根住話 : "你上次嗰隻唔眼訓喎." @@ 原來只不過係我無時無刻都眼訓.....lor咗
朋友都勸我去睇中醫. 但每當我諗起要自己俾錢同埋通常要睇好多次, 我就唔想去. 好窮呀!!!!! 唯有日日食蘋果啦, 醫生可以遠離我.
