輕鬆的一天. 崇拜完後去了荃新天地行街街. 跟住石琦小姐真係著數多多. 先去A-1買了好味麵飽 [真係好味㗎!!!], 再去馬莎買了想買的鞋, 全部都有折喎!!! [買麵飽都有折真係好過份囉! ]咩事?? 不過突發事件發生喇. 係馬莎時突然好想嘔. 要即刻匆去洗手間. 嗰一刻, 我諗, 死啦! 如果係中途嘔咁點算好先? 好樣衰㗎喎. 好采趕到洗手間. 但係最後係嘔唔出. @@" 攪乜!?
但係實在太唔舒服既關係, 去咗星巴克坐. 兩位靚女在閑聊時, 我就趴咗係檯訓覺. 應該訓咗起碼30分鐘. 當我起身時, 尤如復活一樣. [yeh!] 跟住去食gelato [完全無懼!]. 又有折囉 [真係離晒普!] 除咗搭車, 乜都有折呀.
晚上, 請了屋企人食飯. 高級飯喎! 食咗我$1200! 不過算好抵. 又有菜擔翅, 又有斑, 又有海參蝦球, 又有鮑汁鵝掌, 又有燒排骨, 仲有糖水甜品! 每次同亞媽食飯, 我都會好似人地番鄉下咁, 回家時一袋二袋, 尤如要補給物資一樣. @@" 拎到我手都斷.
雖然用了好多錢, 不過又好似好抵咁喎.
