每日之爛gag

今日同我愛人行街街時, 係賣小食既店停下望望佢地有咩甜筒雪糕. 店鋪姐姐即時行埋嚟問 "要啲咩?" 我深信我愛人係想講 "睇吓先" 或 "諗吓先". 但係佢個口不受控制咁講咗:

"聞吓先" (!!!!!! 原來買甜筒雪糕前要聞??? 可以點聞法? 聞吓夠唔夠凍?)

係佢講咗出口嗰一刻, 我係即刻爆笑, 而佢亦係咁笑. 嚴肅店鋪姐姐好想忍笑, 但係失敗咗.

已經即時澄清唔係玩嘢. 因為我地都係怕死之人, 唔想橫屍街頭.