> 我係啲周身賤格嘅人, 好鍾意將一啲明明好番嘅傷口去 "mit" 損佢. 所以我有好多永遠好唔到嘅傷口. 真係名副其實損手爛腳. 點樣先可以唔咁多手呢?
> 我魯莽的性格, 經常都唔諗就去做. 結果經常敗北. 多年來, 無數嘅失敗令我無晒心機去努力做任何事. 所以做成今日我呢條大懶蛇 (唔肥嘅蛇!!). 諗諗吓, 覺得自己好應該有一番作為 (好架勢呀!!!), 所以係個幾月前, 做咗一個決定. 真係下半世食粥食飯都睇呢鋪. :S
> 我對自己既領域有高度既保護性. 當我發現係不知道既情況下有人入過我屋企, 我會非常憤惱 (係超級憤惱!!!) 唔係唔俾, 但係一定要通知我. 我覺得"通知"呢個動作係common sense到唔洗講都知要咁做. 不過, 憤惱可以點呀? 經常勸自己唔好咁上心. 事事都應該忘記, 由其是憤惱都無補於事. 但做人是應該有原則囉. 講完.
> 再一次證明, 看了一啲唔應該看嘅嘢係要自己承受惡果. 點解要咁八呢....真係無鬼聊....
