無謂嘢

＞過去的周日去了掃墓，一向對掃墓的這種活動都不抱正面印象。不是對過身的人不敬，只是對在世的人去掃墓的態度同目的感到無奈。有許多人對佢哋親人還在世時不算頂瓜瓜，那為何親人過身後，每年掃墓最多兩次就會覺得他們會保佑自己的生意／仔女的學業／一家的健康呢？（變咗有特異功能嗎？）親人在世時又唔見佢哋俾錢佢洗，但年年掃墓就係咁燒元寶金條手機衣物一大堆？每年都總會令我覺得好困惑 @@

＞有時對於食肆嘅價錢定位都抱有唔明白嘅地方。我性格最鍾意搵最抵嘅嘢。前日去大X樂買午餐，因為已經過咗兩點，所以有細碗叉燒飯，連飲品售$21，加菜就$24。我問收銀姐姐可唔可以轉湯米粉，佢話得，但係只需$20！？令我好奇怪，因為湯米粉係有幾條菜架喎，條數點計？又好似去生記買粥咁，單拼細碗$21，單拼大碗$27（好似），雙拼全部$35或以上，加一樣配料$7。只要叫細碗單拼加一個配料（$28）仲要係外賣，個製成品同$35雙拼係無分別的！好，夠啦，好婆媽！

＞個胃同肚已經唔舒服咗兩個星期，食西藥都唔見有好轉 :( 西醫話唔知點解會咁 @@ 可能係心理因素！！！ROARRRRR！再唔掂要轉行睇中醫！>[

日常事

＞人是會變的。對家人的態度會變，對食物的要求會變，對朋友的要求會變，對工作的態度會變。若果人說，我永遠都會這樣愛錫我的家人，或我永遠都會好俾心機工作，或我永遠都會對我的愛人始終如一，或我永遠都唔會食／飲某類東西。都係別說永遠吧啦！苦了自己又苦了別人。世上哪有人能夠保證人間永遠的承諾？係自欺欺人啦！

＞有時真係好佩服香港人嘅腦轉數。驚輻射，所以去搶鹽。但係點解雞粉、豉油同米都要搶呢？哦，啲人話雞粉、豉油同鹽係同類，所以都應該可以抗輻射（聽完後完全打咗個突！）搶米係驚會有飢荒。聽完後嘅感想係，香港人同內地人腦轉數比其他國家嘅人（包括日本）快幾百倍囉！咩都要快過人。勁！今日睇報紙，啲食店（由其日本店）開始搶購輻射探測器。係食客面前測一測啲日本魚生有無輻射。不過最勁係買咗部機番黎唔識用。勁！唔知根住仲會有咩新招數呢？

＞唉，新加坡...究竟有咩好玩呢？

Goodnight

雙眼快要合上...好眼訓...

肥貓同大家講晚安！

累 x 100

這兩星期, 人很累. 累人的事有：

＞工作有十萬樣事情要處理。老闆實在太睇得起我，所有事情都告訴我、要我處理。向好處想是被受重用，但我咁低人工，可唔可以唔好咁重用我呀？

＞正常人都希望有同事幫輕工作，但我嘅冀望係希望我啲同事唔好攪咁多嘢俾我跟手尾。唔使揹鑊我已經會開心到要係咁震。

＞當工作上有十萬樣事情都是十萬火急時,已經做到一頭煙兼好想搵人嚟發洩內心嘅火的時候，老闆突然來勢洶洶衝到我面前。我還在腦裏十萬轉咁諗緊係咪我做錯嘢。但當我腦袋仲係一遍空白兼好驚時，老闆大人已經連珠發炮地抱怨剛剛大大老闆打電話俾佢鬧咗佢一餐。係一般情況下，這沒有什麼大不了，但在這部門卻是世界奇聞！我跟隨大大老闆多過五年，我老闆跟隨大大老闆差不多十年，從來未見過大大老闆鬧任何人。他的EQ高達一個外星人的級數，這次他鬧我老闆真係應該上頭條。可想像我老闆有幾嬲。 ＂佢從來都無試過咁樣同我講嘢！＂係我老闆連珠發炮後的總結。她是無辜的受害者，但我係噼嚦無敵可憐的小員工。我花了無比的心機同時間去疏導她憤怒的情緒。 又不能說大大老闆的不是，但更不能說我老闆做錯，哇，簡直難過去爬喜瑪拉亞山！！！好想死....

＞近來有同事放聲氣話想跳槽，我想講嘅係...我唔准你快過我走！！！無時間搵工呀！

星之旅（一）

新年假期去了新加坡, 一如所料, 同屋企人去, 結果都會係悶, 悶, 同悶. 最大原因係, 新加坡差不多所有唐人開的食市都休市. 所以, 雞飯, 肉骨茶, 所有我有興趣食嘅, 通通都無得食. 想買嘅林志源又無得買. 當然, 聰明的我, 晨早已經問過我老豆查實有無鋪頭開門. 當然我老豆亦都一貫吹水作風, 話大部份都會開. @@ 佢自己講無得賴人！

唯一滿意的是在珍寶吃的海鮮晚餐！（同香港嗰間有無關係？）好吃到一個地步，連我那食家般（佢話自己係食家喎）的細佬都會有以下對話：

他：（食到後段的時候）我好想大叫呀！
我：點解你要咁做呢？
他：點解可以咁好食？？？
我：咁你想點大叫法？
他：好似味吉洋一（？）裏面食神咁大叫＂好好味呀~~~~＂
（然後佢仲要好似學友咁震音）
我：=_________=•••••

但那頓海鮮真是衷心的覺得好好味。而我細佬一直都是沈默寡言的人，有以上的對話是世紀奇聞來旳！

達人san

與朋友談天, 說起達人. 我說我在不同的範疇都是達人級水平呀. (一個字: 勁!) 他不屑地數出我所謂達人級的範疇都不外於.....

> 訓覺達人 - 身邊的朋友和同事, 無一不曉我釣魚的功力. 由其是係公司. 完全係釣魚的能手.

> 煲劇達人 - 好喜歡煲美國劇集. 每星期都要dedicate一天的時間係咁煲煲煲煲煲......

> 遲到達人 - 番工時間 = 十點! 好多人都覺得我份工好筍. 不過呢個世界邊得嚟咁多筍盤. 凡事都有代價的 ! ! !

> 飛的達人 - 以前番太古坊時, 每朝都係飛的番工. 原因係: 唔想由屋企行去巴士站, 又唔想落巴士時行去公司. 因為總共要行25 - 30分鐘! ! ! 咁飛的係咪好合理先! 不過依家番上環, 已經唔飛的啦. 變得好平民, 係巴士一族.

> say yes 達人 - 我是一個不懂說不的人 (好多人都唔覺. 皆因我份人好低調. *o*) 係公司就受到不公平對待囉! 好命苦.....講完 @@

> 硬食達人 - 一個既低調又say yes嘅人, 後果就係經常要硬食. *ROAR*

我朋友又幾了解我喎! ! !

肥貓係邊？

肥貓在那？肥貓在那？

這就是每朝的境況。可想而知佢有幾怕凍。

（肥貓現在正在我暖笠笠嘅床上打鼻鼾 *o* 攪錯呀！！！）

日常事

＞最近, 經常要出言安慰身旁的至愛，有點吃力 （皆因我好博愛！@@"）許多不幸的事情發生在好友身上，替他/她們擔心。但人的力量始終有限。可以做的，就只是給他/她們一點support，借出我的一雙耳去聆聽。在他/她們需要時隨傳隨到。你們要努力呀！

＞前兩三日，是有史以來 （定係我記憶衰退？）係香港感受到北極一樣嘅天氣。應怎樣形容呢？在家，穿著長衫長褲，在兩張被竇內攬住一個超熱水袋，先可以安然地去訓。每朝早起身嚴如十大酷刑的降臨 （！！！），要爭戰45分鐘先可以成功碌入洗手間。用極速沖涼換衫（猶如濟水一樣），仲慘過去勞改。@@

＞一日24小時，除了睡覺7至8小時唔覺凍，其餘的時間完全感覺唔到人間有溫暖。最最最離譜嘅係公司可以凍到好似雪櫃一樣。直頭好想去勞工署去告佢虐待員工呀。（咬牙切齒中）行出室外，我經常會有錯覺，以為自己無著衫褲鞋襪，因為有著嘅話，無可能會咁凍！！！

＞今日去屈臣買漱口水，我對於listerine唔同color嘅漱口水完全唔知有咩分別。正當我在懊惱時，有個sales年輕人行埋呢講：小姐，想買漱口水呀？呢隻好抵買，做緊特價喎，＄15.9咋喎。當時的我覺得有點不可思議，係屈臣買嘢啫，都咁好招呼？我問sales哥哥究竟綠色同藍色漱口水有咩分別，佢嘅答案係：呢兩隻漱口水都“嗱”到飛起 （！）唔該晒！！完全解答到我嘅問題。最後，我係買咗淡味無顏色＄15.9嗰隻。多謝介紹。

＞每日都食好多嘢去令身體發熱 （！），所以按道理，係肥咗好多 ＞＜唉..... 我不愛冬天！！唔該行快兩步！

live chat的威威力

依家啲公司做生意，實在乜嘢gimmick都諗過。以前想quote自由行package嘅價，一係就打電話去旅行社問，一係就親身去旅行社攞資料。近期，可以e貓agent去問價，已經覺得十分方便。但原來現在有啲仲方便嘅方法....

今日，上了專業x運的網址，想看看某地方的自由行價錢。係網頁的一角，看見expert online的icon。我手多多咁去click，就係咁，有位專業人士message我，問我需要乜野旅行資料。@@ 感覺就好似我行入hermes，有sales好親切咁問我：小姐，有咩可以幫到你？而唔係俾白鴿眼我睇！（其實關咩事呢？）總之，成件事令我覺得去qoute價呢個process，頓然無咁苦悶同煩。為了方便，可能以後都會幫襯專業x運！！！live chat的威力真係大！

唔怪得知咁多男人喜歡live chat。明白哂！XD

冰天雪地

香港的生活, 令我最不能適應的, 是室內沒有暖氣. 係屋企係要著大大大大外套. 近兩年, 習慣了屋企這種生活.

但勢估唔到, 上環公司亦係一個冰箱 (！！！) 當放眼去看, 大半人都係公司著住羽絨, 一杯一百度嘅水,用蓋掩著,竟然唔使一個鐘就變成室溫水 @@ 手手腳腳凍到結哂冰. 實在係好難頂同好過份.

好！過！份！呀！

好！ｘ！凍！呀！

點做嘢喎！！！　＞＜